لست أدري...

انا مش عارفة حاجة...باخد قرارات صعبة كتير، بعضها صح وبعضها غلط..

بكتب عشان مش لاقية حد اكتبله، بس العادي بتاعي اني بكتب لنفسي، بقالي تلات تيام قاعدة في البيت، مش عاوزة أرجع الشغل...

مش عاوزة أرجع عشان مش مستحمله ضغطه، وقرفه، وغباء الناس...

انا طول عمري متعودة اني بجري ورا حاجة محددة، هدف، تارجت...كي بي آيز، لكن ف سوق العقارات، الجري بيكون بلا هدف، ملوش معني، جري ف اي اتجاه عشوائي وديما بيكون ف الاخر فيه سبب خفي بيبوظ أي ديل بيتقفل...

المجال فعلا عشوائي بشكل كبير، ومتعب..

بدأت أقلق عشان السنين بتمر ومفيش أمل ف أي حاجة بعملها، بس ادييني بجري ورا أكل عيشي، واتيفر وجهتي الجاية ف الشغل، انا فعليا هحاول أقعد فيها لأطول فترة ممكنة...

أتمني انها تكون شركة كبيرة، انا باحب أكون سمكة صغيرة ف بحر كبير، عشان المسؤولية صعبة، صعبة ومتعبة ومقرفة، والواحد بيحب يكون فيه حد كبير يلومه علي أي حاجة...