المشاركات

عرض المشاركات من ديسمبر, ٢٠١٣

دراويش..!

كلنا مريدين، كلنا دراويش، كلنا بندور حوالين شئ بنحبه وبندوب فيه لدرجة التيه والهيام.... أسرني سحر الموسيقي، والكلام، بقيت أسيرة كل شئ جميل، مقدرش مقولش علي حاجة حلوة انها وحشة، والعكس، صراحتي بتدايق ناس كتير -يولعو- والأهم اني عايشة ف عالمي الجميل، اللي كل شئ فيه جميل. زمان كان فيه مدرس ليا ف اعدادي بيقولي انتي شبه دراويش الموالد، اللي حاطين سبح حوالين رقابيهم، مكنتش فاهمة ليه، وعمري ما فهمت ليه قد دلوقت، انا فعلا متدروشة، ودايبة ف عشق حاجات كلها مش بإيدي، وكلها بعيد عني وعمري ما هطولها إلا بالموت، والانسلاخ عن جسم باكرهه، وعالم متغربة فيه، والذهاب بخفة إلي أحبابي، اللي بكيت لأني اشتقتلهم من قبل ما أشوفهم. "صلو علي من بكي شوقا لرؤيتكم" عليه الصلاة والسلام، انا مش متدينة، ولا متطرفة ف حبي، انا عرفت قد ايه الصوفية بيبقو مخلصين في حبهم، وأذكارهم، لما بتحب شئ، وتدوب فيه، وكيانك بيدوب ف كيانه بنشوف فيه اللي مايتشافش، بتشوف عيوبه، وتقبلها، وتشوف ميزاته، وتحبها، وتبقي فكرة ف بحر أفكاره، وتشرب من نوره وحروف كلامه، وتبقي جزء غير محسوس منه، وطرف من أطرافه. النهاردة ك

عزيزي عميل TEData

صورة
عزيزي عميل TEData هذه نصائح من عدة موظفات سابقات خدمة عملاء شركة TEData ويارب نفهم.... إلي العزيز عميل شركة تي اي داتا، جواب مسجل بعلم الوصول، افعل ولا تفعل..! 1-     ريستارت الراوتر لو اتعمل ست تلاف مرة وانتا ف بيتكو من غير ما تتصل بينا مش هيعملك حاجة.. 2-     السبلتر وهو معكوس بيخلي النت يقطع، ولو اتخبط النت هيقطع، ده متشعر اساسا علي سلكتين يعني طبيعي يبوظ بسرعة. 3-     بتقعد كتير علي الانتظار ومستني حد يرد عليك عشان فيه اذكيا تانيين ع الخط، ياريت تستني ومتزهقش وتقفل السكة. 4-     خلص نفسك و وصل م السلك الرئيسي علي سبلتر لأنك لو عندك فيش ف الحيطة مش هتاخد حق ولا باطل. 5-     لما تليفونك يعطل لأي سبب كان غير الفواتير كلمنا واحنا نرجع الحرارة مع النت، متروحش تغمز بتاع السنترال بعشرين جنيه بعد كدة ترجع تعيط وتزعق..! 6-     مينفعش تشترك في خدمة الدي اس إل من غير ما يكون عندك خط، ومتقولش هلغي التليفون عشان مش بستعمله، لو لغيته هتاخد الانترنت في ايه؟ ف كيس؟ 7-     متشتركتش ف عرض طلقة، عرض طلقة محدود، وفيه كوتا، ولما بيخلص، بتدفع فلوس تاني. 8-     متشتركش ف عرض

جربت...!

جربت تقولي اهدي... ما انتي لسه صغيرة...؟ الدنيا ياروحي وحشة.. والناس ولاد مرة..! فكرت تضم قلبي.. وتعرف ايه السبب.... ولا انتا خلاص سكتت... وسكوتك له العجب... ايه بس اللي حصل.. ده عباس اتكسر.. ولموه وركبوه... ولسه الأحوال خره... جربت تقولي ابكي...؟ ده الدموع متقدرة...!

خالتي بمبي

صورة
هذا البوست هو بوست موسيقي محض، فإن كنت من هواة الموسيقي، اسمع هذه الأغنية. في البداية مقدمة موسيقية تقتحم عليك خلوتك، وتشعرك بالرهبة الأليفة، ثم الصوت العذب يهتف "بمبي بمبي بمبي بمبي" في سعادة كالأطفال، كشابة لم تخرج من أسر مراهقتها بعد، البمبي هو لون غزل البنات، وهو لون العيد... هي تهتف" الحياة بقي لونها بمبي، وانا جنبك وانتا جنبي، وانا جنبك، يا حبيبي، يا حبيبي وانتا جنبي" ثم تؤكد لك أنه "بمبي بمبي بمبي"  مفتتح موسيقي جاذب للانتباه، ثم تأتي هي بكل طفولة لتجذب أذيال ثوبك "شفت شفت شفت، سحر الحب" وينقصها أن تقول لك "يا عمو" تأكيدا علي طفولتها، وتعقب مع الموسيقي "الهنا مزغلل عينيا، مش باشوف غير بمبي بمبي"، الكورس يدخل، وهي تغني معه في تناغم، والكمان الساحر يسيطر علي الموضوع أغلب الوقت، ثم يعقبه الكيبورد الذي كان موضة في وقتها. الموضوع بالتبادل بين الأورج والجيتار، تعبيرا عن الحوار، ثم تغرد "كنت بهرب، قال واقولك: أه ولأ، خدتني بالقوة ياروحي، ورتني، السعادة" وتضغط علي مخارج حروف "

زهايمر...

صورة
مش فاكر امتي...حقيقي زمان.. انا خدت الحب...ده..بالأحضان... مش فاكر حتي ان كنت حزين.. مش فاكر...دنا انسان مسكين... باحلم ان أسكن في البساتين... وسكنت هناك... جنب الأموات..! الناس بتموت... وتروح لهناك.... وانا ميت عايش....في البهتان الورد علي الحيطة ومرسوم... والحزن ما بين كفي الموشوم... ودهب وياقوت... مرجان وبيوت.... ودفا، وهيصة، ولمة، وألوان ورقم تليفون.... انا مش مجنون... انا باحلم..... ولوحدي، وونسان.... مش فاكر اسمي.... ولا العنوان....! 10 ديسمبر 2013

رسالة ليه...

صورة
وأتمناك...وأتعذب..وأشوفك وانتا ف الصورة.. وبارفع راية جوة البحر...وحتي الراية مكسورة.. منايا لو اعدي الوقت، وأجيلك...لحظة ف الماضي... لكني خلاص...خلاص صدقت ان الوحدة شئ عادي.... وانا ف الوقت مسجونة...ومحبوسة ف حيطان الشوق.. وانتا ف ماضي..حلم بعيد.....وقلبي وحيد....وعاش مخنوق.. . بليغ انا نفسي اني أجيك... أجيك بالموت...أجيك بالقوة...بس أجيك.... أشوفك لحظة...وساعتها....أموت م الفرحة...لحظتها... بحاول أبقي شخص رقيق....ومش باعرف... مشاعري بتبقي فياضة.... لكن بتاخدني كالعادة لطريق ناشف... وكله صخور... وكله يغور... وناقصني..أكيد رؤياك... وبحلم...أبقي لحظة معاك.... وانا البنوتة اللي تعيش...ف أدوار خشنة...محصورة... وأتمناك..وأتعذب...وأشوفك وانتا ف الصورة.. 9 ديسمبر 2013