المشاركات

عرض المشاركات من أغسطس, 2017

انا ريم عصام...

انا ريم ....عندي 26 سنة، وخمس شهور إلا خمس تيام، من مواليد برج الحمل، ومخرجتش من أوضتي من أكتر من 11 يوم، ومرحتش شغلي من أكتر من 15 يوم... وبكتب الكلام ده وانا قاعدة فوق سريري، مخدتش دوش تقريبا من التاريخ ده، وحاسة اني خايفة أقوم أخد دوش....قاعدة فوق السرير بتاعي، ملاية السرير مش ف مكانها، السرير نفسه عليه كمية حاجات مش طبيعية، عليه مناديل مستعملة، عليه جهاز فوت مساج، عليه فوطة، وعليه لحاف، ومخدات، وبشكير، وموبايل بيتشحن، وعليه انا، وعلي حجري اللابتوب، اللي بكتب منه دلوقتي...وفوق كتافي لحاف...عشان انا سقعانة...من امبارح سقعانة...
انا عايشة في أوضة مع اتنين تانيين، بيني وبينهم ستارة، جنبي تلاجة صغيرة، عليها كل حاجة ممكن أي حد يتخيلها، من أول المانيكير، السكاكين، شوك، أدوات ميكب، كوباية بيبسي فاضية، كييس شيتوس مفتوح، شمعة... باختصار فوضي بنت وسخة...علي الناحية التانية م المكان الصغير اللي انا عايشة فيه كوم هدوم متوسخة...انا مبغسلش هدومي إلا اذا كل حاجة توسخت..بالنسبة للغيارات الداخلية انا عندي منها كتير أوي، قصاد كوم الهدوم قدامه كوم زبالة، بواقي الفاست فود اللي انا باكله، وباسكت الزبالة ا…