تمام يا أفندم

هاقوهالك... و انا ماشي... انا قلبي.. ميرضاشي.. يكون تاني.. يكون تالت... يا أكون اول... يا مبقاشي... راضيتك.. قومي و ارضيني.. هاكسّر قلبك الصيني.. و أحط بداله قلب حرير... فتنسي النازي.. و الفاشي... و فوق راسك تحطيني.. و أكون تاجك.. و محتاجك... و وقت الشدة تلاقيني.. دراعك.. عقلك الواعي... و أحيانا.. ضمير واشي... لكن ف الزحمة و التوهة.. أقوم بالثورة.. ترميني؟؟ و أشيل عنك.. و أشيل تاني... تحطي الحمل.. تنسيني؟؟ و أرجع تاني.. و أفتكرك... و أقول يا أمه انا..ابنك... تبصي بعين مغمية.. و يخلص فيكي.. بنزيني؟؟ و أقع مكسور علي بابك.. و دمعي يغرق أعتابك... و لا باقدر علي عتابك... دنا طالب.. تحبيني... و أذاكر.. و أدخل اللجنة...   و بالأستيكة... تمحيني؟؟ و تاخدي الورقة دي فاضية... و اجاباتك.. ف تكويني..؟؟ تقولي عليا انا ساقط... و قلبي معاكي.. و مرابط... و كل الدنيا إلا انتي.. بتيجي البيت.. تهنيني؟؟؟ بجد فقدتي تمييزك... أكون أستاذ لكل الناس.. تقولي عليا.. تلميذك...؟؟!! أظن ده عيب..

صباح الصباح... النهاردة انا باتكلم و انا مبسوطة...مبسوطة أخر حاجة..لاني باتكلم عن شخص باحبو...و من زماااااااااااااااااااااان... مروان خوري.... مروان خوري اللي جايز كتير من الولاد..أو كل الولاد مش بيستلطفوه..أو مش بيستنضفوه....دي حاجة بتاعتهم بقي...انا باحبو موت.... بدأت علاقتي بصوته...من حوالي....تالتة اعدادي...يعني من أيام ما كان الواحد شعرو اسود... كانت "كل القصايد" و قناة النيل للمنوعات و الجو بتاع توب تن اللي كان الواحد بيستناه بفارغ صبره عشان يشوف الدنيا ماشية ازاي...وقتها مكانش الواحد عارف ان الفضائيات بتعرض...و بعد كدة تخزن الأغاني شوية بعد كدة ترمي لتوب تن. القصد....الكليب....الشعر...البدلة...البيانو....و كلمات و ألحان "مروان خوري"..هوستني.....كان حاجة جديدة...كان بجد حاجة جديدة وسط اللي كان موجود ساعتها..أوائل محمد حماقي..و جبروت عمرو دياب و تلزيق تامر حسني أول ما طلع.... برغم اني مكنتش فاهمة تلات ترباع الكلام ف الأغنية..و كنت باغنيها غلط...لكن بردو كنت باحبها..و علي الرغم من اني عرفت الكلام الصح بس من مروان نفسو من بتاع سنتين كد

قفلو علينا ف دور الطاولة...   و قرصو كمان ف الزهر... و قالولنا التموين ده هيخلص... ف مدة توازي الشهر... و سابونا نعض ف بعضينا لما قالولنا الرز هيغلي... و لقينا خناقة ف بنزينة.. و اتارينا فعلا ما علينا... و ساعتها حسيت احساس عمري ما حسيت بيه من فترة يمكن اخر مرة خطفني قبل شهور..م الثورة.. لما حرامي مقاسمك بيتك... و يولع ف الصالة... و انتا بتجري تطفي الدنيا و هو بيسرق م البلكونة... و ياقوطة يا مجنونة.. الكيلو بخمسة جنيه...وزيادة... شوفي هتروحي الجامعة بكام... خفي القهوة السادة... خسي عشان يلقاكي عريس.. و اتشعبطي... نطي ف اوتوبيس.... جه الاحساس... و زغدني ف كتفي... و نورلي الكشاف... ليه حسيت بالرعشة ف يونيو... و فجأة بدأت أخاف؟؟؟ 3-6-2011