الكروانة...

البوست ده مهدي لروح السيناريست نادين شمس...لأسباب كتير....انا مش عارفاها...

الكروانة...فايزة أحمد، السورية اللي احتلت قلوب المصريين، صاحبة اللسان الطويل، والصوت الأجمل، كانت من عيلة الرواس، عيلة كبيرة من عوائل الشام، ماتت عن عمر 52 سنة للأسف بعد اصابتها بالسرطان بعد عملية تكبير صدر فاشلة، لترحل فايزة عن عالمنا، بعد انتاج فني مهول، واتزوجت بالملحن محمد سلطان، وده مش موضوعنا عموما...


البوست ده فيه أجمل أغاني فايزة اللي انا باحبهالها، فايزة كانت طول عمرها منافس لوردة، مع اني شايفاها ف تراك تاني لوحدها خالص، ملوش اي علاقة بيها، المهم، دول أجمل عشر أغاني لفايزة:

10 - قاعد معاي:
كلمات عبد الرحمن الأبنودي - ألحان محمد سلطان



9- يا تمر حنة:
كلمات مرسي جميل عزيز - ألحان محمد الموجي


8- صعبان علينا 
كلمات عبد الرحمن الأبنودي - ألحان محمد سلطان


7- عشان باحبك أنا
كلمات فتحي قورة - ألحان بليغ حمدي


6- بتسأل ليه عليا؟
كلمات اسماعيل الحبروك - ألحان فؤاد حلمي


5- بريئة
كلمات علي مهدي - ألحان محمد عبد الوهاب


4- ليه يا قلبي ليه؟
كلمات مرسي جميل عزيز - ألحان محمد الموجي


3- حمال القسية
كلمات حسين السيد - ألحان محمد عبد الوهاب



2- أسمر يا اسمراني
كلمات اسماعيل الحبروك - ألحان كمال الطويل


1- ست الحبايب
كلمات حسين السيد - ألحان محمد عبد الوهاب


هوامش:
- الأغاني دي مش اكتر اغاني حلوة لفايزة، فايزة ليها اغاني حلوة كتير، بس دول اكتر حاجات معلقة معايا بجد منها...
- اسماعيل الحبروك كان مسيطر علي اغاني فيلم الوسادة الخالية :D
- ملحن اغنية يا حلاوتك يا جمالك هو فريد الاطرش
- اغنية ليه يا قلبي ليه كان من المفترض تبقي ألحان فوزي، لكن فايزة ادت الكلمات للموجي -اللي كان جديد وقتها- واستأذنت فوزي، ولأن فوزي كان شخص محترم، قاله سمعنا بقي الابداع يا بطل..!
- أكتر أغاني ملمسة معايا من فايزة هي للموجي، الموجي هو حامل شفرات صوت فايزة يليه عبد الوهاب، وألحان محمد سلطان كانت مكررة وبايخة أحيانا..
- فايزة لها قصائد طويلة وأغاني طويلة، معرفش ليه بستبوخها كلها..!
- الأغاني بتاعة فايزة اللي من ألحان بليغ متفهمش ليه اغلبها كان نص لبة..!

تعليقات

المشاركات الشائعة من هذه المدونة

عربية أتاري...

كنوز مدفونة: صياد الطيور - جورج وسوف "الجزء التاني"

نادية الجندي....سور الصين العظيم..!