الدايرة...

الدايرة اللي انتي دخلتيها...

بإرادتك بس اخترتيها...

وعلي فيسبوكك اتصورتيها..

وبقيتي أسيرة...ومكسورة...

الوحدة زميلتك..بأوامره..

وقت رضاه..يسكت..تتسامرو..

مفاضلش من الفرحة الحلوة...

غير ضحكة..وشربات ف الصورة...

الدايرة اللي استسلمتيلها...

بخضوعك...انتي..سمحتلها...

لفت علي رقبة أحلامك...

خنقتها...

وماتت مقهورة...

وتفكر أيامك غنوة...

بتعدي...حروفها المبتورة...

وبقيتي شبح...ضل لدايرة...

تقاليد..غرقي...مراكب سايرة...

والناس بتطير...وتلف كتير...

وتشوف الدنيا المعمورة..

وألاقيكي سجينة دواراية...

والدايرة اهي فاضية ومجهورة...

مفاضلش من الفرحة الحلوة...

غير ضحكة..وشربات...في الصورة..!