نيسين

النهاردة انا باكتب عن واحد من أعظم كتاب القصة القصيرة الساخرة في العالم، عزيز نيسين...

عزيز نيسين تركي، من أيام آمان يا لالالي والجواري والجو ده..اتولد سنة 1915، وتوفي سنة 1995

عشان تعرف أكتر عن قصة حياته دوس هنا

انا مش هجيب سيرة حياته بالتفصيل، ولا قد ايه كان مبدع...بس..هاحكي حكايتي معاه...

مرة كنت بقرا كتاب لبلال فضل، تقريبا كتاب تجميعة مقالات "قلمين" وكان بيحكي فيه عنه، الحقيقة شدتني المقالة أوي، وبدأت أدور علي أعمال للراجل ده، اللي مفيش حد بيترجمله خالص ولا بينشرله دلوقت، واخر حاجة لقتها منشورة ليه كانت تبع الهيئة العامة لوزارة الثقافة، والكتاب كله كان ب2 جنيه بس عندي كان غالي أوي...

طبعا زي اي قرصان مصري أصيل، دخلت علي فورشيرد أدور علي كتب، ولقيت كالتالي..:

حكاية البغل العاشق - الحمار الميت - خصيصا للحمير 

عناوين قصص غاية في السخرية، كان بيلجأ أحيانا لعالم الحيوان علشان يقول حاجة مش عارف يقولها بصريح العبارة، لأنه اتسحل قبض عليه ف تركيا، انا عن نفسي باعتبر الراجل ده "بيرم التونسي" بتاع تركيا، اهانات ومطاردات لحد ما حيله اتهد...

كفاية كلام مني، وتعالو نسمع من قصص عزيز نيسين نفسها:

دي من قصة "أسفل سافلين":

من قصة "خصيصا للحمير":

ودي من قصة "إنه باق":

من قصة "حمدي الفيل":

كفاية عليكم كدة :)

عزيز نيسين كان متخصص في نقد كل أنواع الفساد، والروتين، والشخصيات المرتشية، لدرجة انك ممكن تشيل الأسامي التركية وتحط أسامي عربية وهتلاقي القصة ماشية حلاوة عادي جدا....

ده لينك لتحميل أعمال عزيز نيسين: من هنا
p.s: لو فيه كلام متاكل م الصورة دوس عليها هتشوفها كاملة :)

وأشوفكم علي خير :)

الشونج!