تمام يا أفندم

كل كلمة كانت بتتقالي وانا صغيرة، أي كلمة وحشة انا فاكراها، كنت طفلة تخينة، وبنضارة، ودحيحة، باكل الكتب أكل، لما كانت واحدة من قرايبنا بتقول لأمي "ان شاء الله تفرحي بيها" أمي ترد وهي بتضحك بكل سخرية تقول "لا أحنا وهبناها للعلم"، وبناءا عليه كانت بتسم بدني ف الرايحة والجاية كل ما أحط لقمة ف بوقي، ظنا منها ان ده ممكن يسمم بدني مثلا وأبطل اكل وأخس...بس اللي حصل...كان العكس... أفتكر مرة وأنا ف تالتة ثانوي، كنت ف بيت جدتي، أمي وعمتي كانو قاعدين ع السرير، أمي فكرتني نايمة، وقعدت مع عمتي تحكيلها ازاي انا باكل زي المجنونة بكل بشاعة، وتوصفلها ازاي هدومي متوسخة وازاي انا مش بحب أخد دوش، وازاي ريحتي وحشة "لأني كنت تخينة ف كنت بعرق للأسف"، وأنا سامعاها للأسف، أفتكر من كل ده كله اني كنت بعيط وأنا ساكتة، متكلمتش ولا فتحت بوقي... أبويا كان دايما يقولي انتي ابني الكبير، انتي الراجل بتاعي، أنا معنديش ابن كبير، انتي اللي بدالي، مشاكل ابويا للأسف، شخصيته الضعيفة، ومشاكله مع أمي، للاسف ساهمت ف اني معتبروش الراجل بتاعي للأسف، وبتكون كارثة لما البنت تطلع متلاقيش تلاقي ...

أكتر حاجة بتقهر الانسان انه يحس انه غير مرغوب فيه، من اهله لما ميكونش زي باقي الناس، من صحابه لما يلفظوه ويزهقو من قعدته، وكبنت زيي، أكتر حاجة تحسسها انها غير مرغوبة انها محدش يتقدملها، أو يحسسها انه بيحبها وعاوز يرتبط بيها قدام الناس كلها... أنا مش بستمد ثقتي من الرجالة، انا انسانة مثقفة ومحترمة، ودبلوماسية وقوية جدا، سافرت وسبت مصر عشان كنت بحب، وكنت مستعدة وقتها أروح ورا الانسان اللي بحبه لاخر الدنيا، ولما سبنا بعض، منهزمتش ورجعت، وفضلت هنا وكملت في ظروف صعبة، ظروف رجالة بتنهار فيها، سواء ف الشغل أو الحياة، وقويت، وببقي أقوي مع الوقت، لكن بردو...لسه محشورة ف الفرندزون، وهفضل محشورة فيها لحد ما أموت... كل الرجالة بتشوفني للأسف واحد صاحبها، محدش بيعاملني علي اني بنت، واحد صاحبي مرة كنت معاه بيقدمني لناس معاه بيبقولهم "دي ريم واحد صاحبنا"، ريم هي واحد صاحبك الي دايما بيفضل صاحبك، وعمرك ما بتشوفه انه بنت أبدا، يمكن هو حتي نفسه مش شايف نفسه بنت، رغم التضاريس العظيمة، والهرمونات الأعظم...بس بردو...واحد صاحبه... والله بحاول أهيأ نفسي اني أفضل لوحدي لباقي عمري، محدش ...

كل ما يدور في فلك حياتي يدعو للقرف الشديد، أنا غاضبة نعم، لكن لا أدري ما سر هذا الغضب الدفين..! آلمني أن أعلم ان الموقع الذي أعمل معه موقع "لا مؤاخذة" معرص، انا باكره التعريص، وباكره الرجالة اللي بتعرص، خصوصا لو للسيسي أو لأبو هشيمة، حاجة وسخة بصراحة، راجل عامل فيها عنترة ابن شداد وف الاخر يعرص التعريص ده..! لحد دلوقتي انا قرفانة منهم بجد، خصوصا بعد ما بعتله بتاع ست مقالات ومنشرهمش، عشان بس ملمسين من بعيد ف السياسة، اللي هو كسمك لكسم خط مقالاتك، أجري يا بت اكتبي مقالات عن الشاورما، حنفية ابداعي خلصانة، وانا تعبت من كتر ما بحلبها، وحاسة أصلا انهم هيدوني شلوت قريب، لا انا باكتب حاجة عدلة ولا انا راضية عن اللي بيتكتب ده كله، كله عبارة عن نحت ف نحت، انا باكتب هنا بس عشان بجد "هطق"... حاجة تقرف، اديني مشغلة ايد شيران بسمعه وهو عمال يحب ف واحدة، واديني قاعدة ايدي  علي خدي، وبشحن الهيدفونز الي تايهة مني من يومين، بحب الهيدفونز دي، تحسها أهم عندي من عيالي أوقسيم بالله....<3 <3 يلا ربنا ياخد كل المعرصين والمقرفين والمقززين الي ف الحياة ويرزقنا براحة البال...

غريبة حياتنا.. تشبكنا... وتملكنا... ووسط حكاية منسية... بتشغلنا وتحبكنا... تسك علينا بالمفتاح... نهاية وجاية.. مش ناسية... ومش قاسية... شافتنا بنبكي  حضنتنا... وهمستلي: كفاية جراح... رياح الصبر دوارة.. وست الحسن  غدارة... ضفايرها تشيلك يوم... ويوم تاني... بتبقي سلاح... ولما القصة  تتحول وتبقي حياتنا.. م الأول.. نقع ونقوم.. وبنهول.. ونديها نحيب ونواح... وتيجي حياتنا... تدفننا... تسك علينا بالمفتاح...

انا ريم ....عندي 26 سنة، وخمس شهور إلا خمس تيام، من مواليد برج الحمل، ومخرجتش من أوضتي من أكتر من 11 يوم، ومرحتش شغلي من أكتر من 15 يوم... وبكتب الكلام ده وانا قاعدة فوق سريري، مخدتش دوش تقريبا من التاريخ ده، وحاسة اني خايفة أقوم أخد دوش....قاعدة فوق السرير بتاعي، ملاية السرير مش ف مكانها، السرير نفسه عليه كمية حاجات مش طبيعية، عليه مناديل مستعملة، عليه جهاز فوت مساج، عليه فوطة، وعليه لحاف، ومخدات، وبشكير، وموبايل بيتشحن، وعليه انا، وعلي حجري اللابتوب، اللي بكتب منه دلوقتي...وفوق كتافي لحاف...عشان انا سقعانة...من امبارح سقعانة... انا عايشة في أوضة مع اتنين تانيين، بيني وبينهم ستارة، جنبي تلاجة صغيرة، عليها كل حاجة ممكن أي حد يتخيلها، من أول المانيكير، السكاكين، شوك، أدوات ميكب، كوباية بيبسي فاضية، كييس شيتوس مفتوح، شمعة... باختصار فوضي بنت وسخة...علي الناحية التانية م المكان الصغير اللي انا عايشة فيه كوم هدوم متوسخة...انا مبغسلش هدومي إلا اذا كل حاجة توسخت..بالنسبة للغيارات الداخلية انا عندي منها كتير أوي، قصاد كوم الهدوم قدامه كوم زبالة، بواقي الفاست فود اللي انا باكله، وباس...

صعبان عليا كلمات: محمد رفاعي - ألحان: شريف تاج - توزيع: طارق مدكور. هذه المقالة عن عمرو دياب، أو كيف تصنع مرثية حزينة للنفس في خمس خطوات...! أغنيتنا اليوم هي " صعبان عليا " أو " بعترف " وهي أغنية تم اصدارها في العام 2000 ضمن أغنيات ألبوم " تملي معاك " واشتهرت بشدة في زمن الموبايلات ال6600 والدمعة، والنغمات ال Waive وكانت تستخدم كرنة تليفون حتي مطلع 2003 تقريبا.. لا أعتبر نفسي مستمعة مخلصة لعمرو دياب، أنا أميل لجيل تامر حسني، لكن يبقي عمرو دياب، رحلتي مع تاريخ الهضبة بدأت منذ أربع سنوات فقط، وقررت أن أحكم عليه من بدايته الفنية حتي الآن، وبالفعل، حملت أعماله الكاملة، وأمضيت شهرا كاملا أستمع لها، حتي الأغنيات التي قرر عمرو دياب نفسه تجاهلها من تاريخه، بداياته الشبيهة ببدايات مدحت صالح وعلي الحجار، وتغييره لمساره الفني، ونوعية الأغنيات التي كان يؤديها، وخامة صوته المميزة.. باختصار خامة صوت عمرو دياب لم تكن شرقية الطبع ك" علي الحجار " ولم تتخذ الطابع الحنون مثل مدحت صالح، بل بقيت محتفظة برنين مميز، قلما أن تجده في صوت رجالي ...

هو بهاء فتحي عبد الله سلطان ، صاحب الأربعة والأربعون ربيعا، صاحب أربعة ألبومات والعديد من الأغنيات السنجل، وهو موضوع مقالة اليوم، والتي طال الأمد في نشرها، مقال كان يجب أن ينشر من أكثر من ستة أعوام، لكن لعن الله الكسل، والكسالي..! تتميز مصر بغياب المنتج الفني، اللهم ممثلا في محسن جابر، والذي اعتزل الانتاج من فترة، ونصيف قزمان، وطارق عبد الله، ونصر محروس...نصر محروس الذي أراه من أشطر وأمهر المنتجيين الفنيين الموسيقيين في مصر، رغم تحفظي الشديد علي تدخله في كل شئ، لكنه في النهاية صانع نجوم، ولا نجم اقترن اسمه باسم نصر إلا وكان النجاح حليفه، ك تامر حسني، وشيرين، ومحمد فؤاد وغيرهم، لكن يبقي بهاء سلطان حالة خاصة... انطلاقة بهاء سلطان الأولي كانت علي يد المنتج نصر محروس، بعد اكتشافه من قبل مصطفي كامل وحسن أبو السعود، فقدم له أغنية " احلف " والتي صدرت في ألبوم " فري ميكس 1 " والتي كانت من كلمات مصطفي كامل نفسه، ثم في عام 1999-2000  صدر لبهاء أول ألبوم منفرد بعنوان " يللي ماشي " واحتوي علي 8 أغنيات أشهرهم: ي للي ماشي - احلف - يومين وعدو - قالي - أق...