عن نفسي...

عن نفسي..

انا باكره نفسي..

وباكره أشوفني..

ف عين الناس...

وبحاول..أيوة بحاول..

أخلص...وأمشي..

كفاية خلاص...

وكرهت حياتي وعيشتي..

الدنيا تبرد..تشتي...

ولا مرة ف يوم بقششتي...

واتمنعتي علي الناس...

انا باكره حتي ملامحي..

وباكره أشوفها ف عين الناس...

جوايا الحقد مأصل...

متستف..طبقات طبقات...

الشعر معادش يحصل...

جوايا اتحنط مات..

بلبعت الدوا قراطيس..

وشربت سجاير لف...

ف شوفولي بجد قميص..

العقل زنقني وخف...

انا عاوزة أتكوم جنب الحيطة..

يادوب أنفع أتباس...

انا باكره حتي ملامحي..

وباكره أشوفها ف عين الناس...