تمام يا أفندم

الدنيا فيها نور... الجو كله غيم... أنا بدر البدور.. وانتا الشيطان...رجيم..! إبعد يا حب هسة... أنا لسه بجرحي حاسة... حتي مش قادرة أنسي... ألم الحب القديم... أنا نمت في الطريق... علي كتف زميل صديق... وصحيت ملقتش حاجتي... حمدلله علي سلامتي... ما خلاص يا ناس شربت... المقلب العظيم... في محل ورد فاتح... وعارضني.. ف بترينات... وردة ودبلانة نايمة.. وبتموت..من سكات.. قربت هشتريني.. ولمحت دمع عيني... وبكيتني..فالتقيتني... خفيفة...كالنسيم... شلت الشنطة ومشيت... حنيت لسكاتي بيت... الغربة ف بيتي أقرب... كورة...ومش لاقية مضرب... طوبة ومش لاقية حيط... بتمرمط في الغويط... بينادو عليا نور... وأنا اصلا اسمي...ريم...!

الحبل اللي ما بين الدنيا... وما بين قلبي... مقطوع..مقطوع... والقصة اللي حكيتها لقلبك.. مأساه ودموع... والفيلم الكوميدي.. اللي مضحك.. ملايين ملايين... بالنسبة لواحدة... ف مكاني.... صوت مش مسموع... عدوية مغني عظيم لكن... أهو كان وخلاص.. وبليغ أهو مات... والرحمة عليه... بالمرة.. الفاتحة علي الاحساس... بالذمة الدنيا دي مش لعبة؟ بالذمة حياتنا مهيش صعبة؟ أتوبيس العمر ياناس زحمة... وطبيخك عدمة بدون لحمة.. وشرابك مخروم ف الجزمة... وكلامك ماسخ... مش مفهوم... أو مش مبلوع... والحبل اللي ما بين الدنيا وقلبي... دايب...مقطوع..! اربعتاشر مايو 2014

انا الراجل.. ف وقت المرجلة راحت... وانا الضحكة... كرامتي... ف العرق ساحت.... وانا الزبدة... ده لما تحبو تقلو البيض... وهتحمر..وهتقمر... وأعيد وأزيد.... وأحس بجهلي وتلامتي.. وأرفع ف الهوا قامتي... وأطير وسط الزحام طيار... وأوصل بالخبر زاجل... انا الأخلاق... وانا الصحبة.... وانا بين البنات... راجل...

انا مش بنهار... انا قلبي عمار... أوضة وصالة... وعفشة مية... حلمي أتهني.. بلقمة طرية... وأنام..مرتاح البال.. خالي... علشان..اتربيت ع الغالي... وعرفت ان التعليم عدي... والوقت خلاص... جل...وولي... وخلاص انا جاي... من غير كشكول... انا ف الأول... جاي أتسلي... يمكن آخد فسحة وافراج... عقلي بيطلب عدم الازعاج... وسايبني وقاعد... يتفلي... انا حضني كبير... والحضن لمين؟ صحاني.. لقيت الناس نايمين.. وسألني: "أجيبلك ورد؟" رفضت... أنكرت.. نسيت أنا أصلا مين... السطح براح... والهوا مرتاح.. وغسيلي بينشف.. ع الهادي... ودموعي تزود ف عنادي... وباعيط... سلطات وزبادي... مستني أقولك حل صحيح؟ ما بلاش تجريح..! وانتا اتعودت.. انا قلبي صريح... من غير تزويق.. من غير تفتيح... دنا ياماردحت... وطوحتك... وباقولك لا... العند حياة... زمن الاجابات.. شال وما خلي... وعلامة أبو راغب.. مات وخلاص... وحلق شنبه.. وعايش منطاس... فيا ابن الناس... لو يوم محتاس... اسأل قلبك... وأهو قلبك عنك... ما اتخلي... وان...

مشهد1 *مكان غير معلوم –زمن غير معلوم* *نري عبد الفتاح السيسي وعادل حمودة في بدلاتهم الرسمية وهما في مكان فسيح * *المكان يحيط به النور من جميع الجهات والأرض لا تظهر من الدخان الرقيق الذي يسري في الجو بخفة* *نلمح ستارة نورانية ينفتح جزءا منها – ينظر السيسي لحمودة نظرة قلق* *تدمع عينا حمودة ويبدو عليه التأثر* حمودة: "يهمس للسيسي" لو تقدمت لاخترقت...ولو تقدمت انا لاحترقت... السيسي: "يهمس بصوت ضعيف" يعني هدخل لوحدي؟ حمودة: "يربت علي كتفه" وهي دي أول مرة يا راجل؟ ادخل ده مستنيك "نري عبد الفتاح من الخلف وهو يزيح الستارة النورانية ويدخل إلي المكان" "نلمح علامات الارتياح علي وجه حمودة" "قطع" مشهد2 "نفس الزمان السابق – خلف الستارة النورانية" "نري المكان خلف الستارة وقد أصبح جهنم ونري السيسي وهو يسقط في جهنم ويرفرف بذراعيه محاولا النجاه" "نسمع صرخات السيسي وهي تتعالي في المكان حتي يصمت تماما" "لقطة عرضية – نري حمودة وهو في الجهة الأخري من الستارة" "نري حمو...

السيدة....السيدة التي انحني أمامها الكبار، وتجلت في صوتها علامات العظمة، السيدة أم كلثوم.... ظلت أم كلثوم تتمتع بلقب الأنسة منذ ظهورها الرسمي بعد خلع العقال والبالطو في عام 1921، حتي الخمسينيات.. أم كلثوم لم تتزوج سوي مرة واحدة (المعلنة) من الدكتور حسن السيد الحفناوي في عام 1954 وحتي وفاتها، وكانت الزوجة الثانية، والدكتور الحفناوي كان له زوجة وأولاد وكانت تتزاور معهم باستمرار... دارت شائعات قوية حول حياة أم كلثوم الشخصية منها... 1- زواجها العرفي من مصطفي أمين يقال ويثار بشدة أن أم كلثوم كانت متزوجة عرفيا من مصطفي امين وأن الزواج ظل سرا بينهما حرصا علي عدم جرح مشاعر معجبي أم كلثوم، وأن عقدا عرفيا كان بمكتب مصطفي امين، وعثر عليه عند تلبيسه للقضية الشهيرة -بتاعة التخابر- وأن الظابط عثر علي الورقة فحملها إلي عبد الناصر شخصيا الذي عنف الظابط، وكان ناصر معروفا بصداقته الشديدة لأم كلثوم، رغم قربها الشديد أيضا من الملك فاروق الذي خلع عليها أكبر الأوسمة في مصر يمكن أن تمنح لفنانة، وأيضا غنت له أم كلثوم أكتر من مرة، ومن المعروف أن أغنية "يا ليلة العيد أنستينا" غنتها أم ...

"ده طبعا من أيام الرئيس جمال عبد الناصر، أنا عندي 33 سنة.. أحلي أربع سنين..كنت أنا تعبان في، انا عملت لهو خفي، ده شغل كبير، مش لهو خفي كدة يعني، الناس الكبار، عارفين، انا ان شاء الله علي قناة الأسبوع هبتدي اطلع، اللهو الخفي، الطرف التالت. رحت قناة الأسبوع، وزيي، مش هقولك انا زيي زي السيسي، السيسي ده من أيام جمال عبد الناصر، انا من أشقي ناس، أربع سنين قبل الثورة، عملتو ثورة، عملتلكو لهو خفي، يعني واثق من نفسي، ومعايا أدلة، ومعايا كل حاجة، عملتو انتخبتو رئيس، منتخبتوش رئيس،انا عارف بكل حاجة  حصلت ف مصر، التحرير عارف، الشيوخ اللي راحو عند وزارة الدفاع آخرمرة تبع حح..حازمون ده أنا عارف. كل حاجة حصلت، وانا..أنا عمال أزبط ف مصر، عمال أطير ....في السحابة، وانتو عمالين تموتو. آدي آدي آدي هنتكلم كدة، هروح أشد بودرة بقي بكرة، وأجيلهم هناك في جريدة الأسبوع، بس آدي الكلام اللي انا باقولهولكو." بكلمات هذا الرجل، كتبت دستوري الشخصي، أنا الفقيرة إلي الله، الشونج بونج، اللهو الخفي، هو قائدي، ومعلمي، وملهمي، وأسطورتي الشخصية التي أسعي أن أكونها يوما ما...يوما ما.... ت...