اللهو الخفي....

"ده طبعا من أيام الرئيس جمال عبد الناصر، أنا عندي 33 سنة.. أحلي أربع سنين..كنت أنا تعبان في، انا عملت لهو خفي، ده شغل كبير، مش لهو خفي كدة يعني، الناس الكبار، عارفين، انا ان شاء الله علي قناة الأسبوع هبتدي اطلع، اللهو الخفي، الطرف التالت.

رحت قناة الأسبوع، وزيي، مش هقولك انا زيي زي السيسي، السيسي ده من أيام جمال عبد الناصر، انا من أشقي ناس، أربع سنين قبل الثورة، عملتو ثورة، عملتلكو لهو خفي، يعني واثق من نفسي، ومعايا أدلة، ومعايا كل حاجة، عملتو انتخبتو رئيس، منتخبتوش رئيس،انا عارف بكل حاجة  حصلت ف مصر، التحرير عارف، الشيوخ اللي راحو عند وزارة الدفاع آخرمرة تبع حح..حازمون ده أنا عارف.

كل حاجة حصلت، وانا..أنا عمال أزبط ف مصر، عمال أطير ....في السحابة، وانتو عمالين تموتو. آدي آدي آدي هنتكلم كدة، هروح أشد بودرة بقي بكرة، وأجيلهم هناك في جريدة الأسبوع، بس آدي الكلام اللي انا باقولهولكو."

بكلمات هذا الرجل، كتبت دستوري الشخصي، أنا الفقيرة إلي الله، الشونج بونج، اللهو الخفي، هو قائدي، ومعلمي، وملهمي، وأسطورتي الشخصية التي أسعي أن أكونها يوما ما...يوما ما....

تعالو نحلل كل كلمة قالها الكبارة ده عشان نعرف انه كان بيفكر لبعيد جدا...

الفقرة الأولي:

"مقدمة لا بد منها"

"ده طبعا من أيام الرئيس جمال عبد الناصر، أنا عندي 33 سنة.. أحلي أربع سنين..كنت أنا تعبان في، انا عملت لهو خفي، ده شغل كبير، مش لهو خفي كدة يعني، الناس الكبار، عارفين، انا ان شاء الله علي قناة الأسبوع هبتدي اطلع، اللهو الخفي، الطرف التالت."

لهونا الخفي بدأ حديثه بذكر أيام الراحل عبد الناصر، وكلنا طبعا عارفين انها كانت أيام زالخرة أحبايب قلبي، ويوضح عمره، 33 عاما، فمن وقت ظهور الفيديو يتضح أن اللهو من مواليد 1979 وهي نفس السنة اللي عبد الناصر مات فيها، ياتري فيه سر؟ ياتري مولد اللهو كان السر في وفاة ناصر؟

ويعرفنا اللهو بوظيفته، أنه لهو، وخفي،مش لهو كدة يعني، وأن الناس الكبار عارفين، وانه هيطلع علي قناة الأسبوع بمنظرين هما اللهو الخفي، والطرف التالت.

قناة الأسبوع هي قناة غير موجودة، ولا يوجد شئ يسمي الأسبوع في مصر كلها سوي جريدة مصطفي بكري العتيدة في مذهبها الصهيوتعريصي، فهل هناك علاقة بين مصطفي بكري ولهونا؟ الله أعلم..!

الفقرة التانية:

انتا اللي هتغني يا منعم..!

"رحت قناة الأسبوع، وزيي، مش هقولك انا زيي زي السيسي، السيسي ده من أيام جمال عبد الناصر، انا من أشقي ناس، أربع سنين قبل الثورة، عملتو ثورة، عملتلكو لهو خفي، يعني واثق من نفسي، ومعايا أدلة، ومعايا كل حاجة، عملتو انتخبتو رئيس، منتخبتوش رئيس،انا عارف بكل حاجة  حصلت ف مصر، التحرير عارف، الشيوخ اللي راحو عند وزارة الدفاع آخرمرة تبع حح..حازمون ده أنا عارف."

اللهو ذهب إلي قناة الأسبوع، وتحضر سيرة السيسي ثانية عندما يكرر أن السيسي من أيام جمال عبد الناصر، ثم يمهد بأنه من أشقي ناس، لذلك يجب أن يكون هناك احترام للأشقيا في المكان يعني، وأربع سنين قبل الثورة يعني الرجل عتيد الشقاوة، ويكررها بأننا لما عملنا الثورة، قام هو بدور اللهو الخفي، وهو واثق من نفسه، ومعه أدله، ويعلم كل شئ، هل هو قريب لمورتا؟ يذكر اللهو الخفي حادثة مشهورة عندما حث حازم صلاح أبو طياز أنصاره المكرشين بالذهاب والاعتصام أمام وزارة الدفاع في العباسية منذ فترة، ووقع العديد من الضحايا جراء هذا التصرف الأرعن، وتعلل الشيخ وقتها بأن شاحن موبايله ضاع..!

الفقرة التالتة:

وختاما...لك ألف سلام، ومحبة...وأشواق وغرام...من قلب لا يهدي ولا ينام...قلب حبيبك.. "من أغنية جواب - حليم"

"كل حاجة حصلت، وانا..أنا عمال أزبط ف مصر، عمال أطير ....في السحابة، وانتو عمالين تموتو. آدي آدي آدي هنتكلم كدة، هروح أشد بودرة بقي بكرة، وأجيلهم هناك في جريدة الأسبوع، بس آدي الكلام اللي انا باقولهولكو."

عيننا الساهرة، واللي احنا نور عينيه، عمال يزبط ف مصر، ويطير في السحابة، ونحن مستمرين بالموت ونشر القبح، سامحنا يا لهو علي الموت المتكرر، فنحن عكرنا صفوك السحابي يا سيدي، رجاءا لا تكثر من شد البودرة حتي لا تسقط صريع الأوفردوز، ونحن في انتظارك دائما في جريدة الأسبوع....

الحل النهائي لكل الأشياء هو أن نشد بودرة، مديرك يبضن عليك، زميلك يشلك، عميل يعلك، اقفل المحل واقعد جوة شد بودرة...الشفت خلص روح شد بودرة، الشحن خلص شد بودرة...البودرة هي الحل، وهتلاقي نفسك بتطير في السحابة، والناس عمالين يموتو...

هوامش:

1- وانا شغالة زمان اتصل بيا أخو مصطفي بكري من جريدة الأسبوع عشان كوتاالنت خلصت وانا باجددها.

2- لينك أغنية جواب بتاعة حليم "اللينك هنا" والأغنية من ألحان كمال الطويل وكلمات مرسي جميل عزيز وانتاج سنة 1960.

3- ده كان الظهور الأول والأخير للهو الخفي، اللي احنا مش عارفين ليه اسم أو عنوان، فلو حد يعرف، يقولنا، لأنه لا يقل أهمية بأية حال من الأحوال عن أحمد التباع..!