سجن

باعيش ف دايرة مقفولة..

عالم وهمي من صنعي..

بلعن ف سجني والسجان..

ولا له ف حبسي ولا ف منعي..

مفتاحي ورميته بنفسي...

ف بير غويط وملهش قرار..

سميت سكوني وخضوعي..

دفا وأمان...كدة استقرار..

قبضت قرشين من شغلي..

ورايحة جاية وانا باغلي..

كتبت شعر وقطعته..

وشعر راسي قطعته...

الضحك مسموع ومنعته...

يمكن ياخدني وانا باعدي..

باعيش ف دايرة مقفولة..

عالم وهمي من صنعي

28 يونيو 2015

النهاردة عيد ميلاد سمر...أكتر انسانة كشفتني قدام نفسي وعرفتني انا قد ايه مستحقش ابقي موجودة اساسا...اخر رابط ليا بالعالم البشري...