ألش متجمع علي مدار تمناشر يوم....

و انا قاعدة فاضية قدام اللاب توب...
و زهقت من موقع الجزيرة و الدستور و البلا الأزرق....
الفيس بوك كان مليان قلش....
لميت منه حبه و قلت أحطه ع البلوج هنا....
يمكن يضحك الناس....



1- الانتقال السلمي للسلَطة..."افتح اللام":

عـــــاجل : سيتم انتقال السلطة بشكل سلمى و جدول زمنى محدد الجدول هو ( الرئيس يحكم احد وثلاثاء و خميس ) و السيد عمر سليمان ايام السبت والاثنين والاربعاء
و يوم الجمعة مرة السيد احمد شفيق و مره الجيش اللى يصحـــا الاول
 
2- التعديلات الدستورية الجديدة: 
مادة 534 من الدستور: إذا مات الرئيس يتم تشكيل لجنة لتحضير روحه لإدارة المرحلة الانتقالية
مادة 535 من الدستور: إذا فشل تحضير روح الرئيس تلغى الدولة ويلغى الدستور وتسرح القوات المسلحة ويوزع الشعب على الدول المجاورة
 
 
3- اقفل...و تعالي!!!!

الـــريــس: ايه الاخبار يا عمر ...؟
قال له: كله تمام ...يا ريس.
بعنا المصانع وبعنا الشركات وهربنا الاثار وحولنا الفلوس بره
ومش فاضل غير الشعب .
الـــريــس: كويس كده ،...انقل المسلمين السعودية و المسيحيين امريكا
...و أقــفـل و تــــــــــعـالى


4-لا دين له:

سليمان ..... لا دين له
انا اجندة ..... انا ضده

 

 5- كوكاكولا زيرو:

يعنى ايه كوكاكولا زيرو ...؟؟
يعني مصر تعمل مظاهرات والجزائر تلغي قانون الطوارىء
يعنى العساكر والظباط تأخد أجازة نص السنة واحنا نوقف خدمة طول الليل
يعني احنا نعمل ثورة والمساجين هما إللي يتحرروا
يعنى تبقى واقف فى اللجنه الشعبيه بتحشش و يجى البوكس تقوم تفتشه

 

 

و لا يهمك يا ريس...ارجع انا كنت باهزر معاك.....و الله كنت باهزر يا نجم......

و في الختام......"صبح صبح يا عم الحاج....."

مع تحيات المعلم بوحة الصباح......

 

 


تعليقات

  1. حلو يا باشا ..
    نورت الفضاء السايبيرى

    ردحذف
  2. شكرا...يا غير معروف..
    و لو اني أفضل تبقي معروف يعني عشان أشكر بحرارة أكتر

    ردحذف
  3. ههههههههه
    تسلم الايادى
    وبجد ارجع يا ريس احنا كنا بنهزر يا كبير ههههههههه
    الف مبروك على الحرية
    تحياتى
    خالد

    ردحذف

إرسال تعليق

تعليقك يسعدني..يا أفندم!

المشاركات الشائعة