القهوة سادة...





باجري وراكي..
ياتسبقيني
يا أسبقني!
والحلم راكب فرس بيجري..
ياريته يجري..ويلحقني!
جريت ف ايدي...
سر السعادة...
في ميت قنينة..
جرعات زيادة...
بس الطريق من كتر طوله..
كسر قزايزي...كدة بالأكادة...
وعشت أغني واقف بطولي...
وحاولت أعمل شئ بطولي..
يابت انتي...قد ايه تطولي...
بين شوق ولهفة...
بتزيد زيادة...
العمر ماشي..
والرزق جاي...
انا كنت ميت...
مبقتش حي.....
والعين بتلمع...
وفيها ضي...
والعيشة مرة..
والقهوة سادة...

تعليقات

المشاركات الشائعة