الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

10 يونيو 2012

في عشق الذات....




يللي انتي عندي أغلي من كل الدهب
انا حبي ليا فاق بقي حدود العجب
باكتب ف حبي و حب نفسي و من جديد...
هجرت كل الناس و عشت انا البعيد..
وزنقت نفسي ف حتة ضلمي و هات يا بوس...
واديتها بالأحضان...مع الجو الجديد...



خسرت صاحب..عشت عمري مبخسروش...
وكسرت قلبي ألف حتة و بالشاكوش..
وأقضي عمري أجمع عكارة م الوشوش
وأهزأ الناس.....وأموت انا من جديد...
ويعدي عمري و أنسي ألف و ألف عيد...
باحلف بحاجة....عمري ما كدبت انتهي...
باحلف بنفسي و نفسي جه خلاص وقتها...
انا و هي وقفنا وسط بشر كتير
وهتفنا باسم كل حاجة...وعكسها...


انا التناقض و الهداوة  والجنون
انا الجموح وانا الطموح وانا الفنون
انا اي حاجة و كل حاجة و كل شئ..
انا بت سافلة..وقلب عاش كام يوم برئ
والليلة باكتب كل حاجة ع المشاع
ده مفيش خلاص شئ أخسره...ده اندفاع
ده رقة و جنون و افترا
ده يأسي لما باجيب ورا...
ده اسمه برده المسخرة....!!



لما انتقم مني الضمير...
لما انتهي مني الكلام....
ضحكت و اتغميت كتير...
وجيت انا بقصر الكلام...
لابسة علي كتافي العباية...
وتحت مني بردعة....
بدل الخازوق...خدت أربعة...
بدل الخدم بدل الحشم.....
بدل الجمال...انا ضفدعة...!
باعمل بسيطر....لأ و لسه نقول كمان...
موضوع كبير..لكن بسيط...
وسطر ف كتاب الزمان...
يقولو كانت ماشية مرة...
وجت تكلم نفسها....
قالو الهبل ملهوش حدود...
لكن الحدود اللي بتفصل بينا
أعلي من الجبل...
لما باكلم نفسي و أعشق...
وتحت موجي العالي باغرق...
وأصرخ ف عز الفرحة
من كتر الطرب...
حبيت كتير...
ونسيت كتير...
لكن اللي حاصل جوة قلبي
وعقلي ده....قلة أدب!

27 أبرييل 2012

2 و الناس شايفة ايه؟:

غير معرف يقول...

جمييييييييييييييييلة الله ينور :)

بس ياريت تغيري "انا بنت سافلة" لانها تقيلة في الكلام

mohamed elbeharey يقول...

تثفيق حااااااااااد ..... جد معجزة قوية جداً

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam