الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

31 مايو 2016

فيلم الباشا ~ قراءة نقدية ع السريع

أنا م الناس اللي بتحب تاخد ترشيحات الأفلام من صحابها، حتي لو مشفتهاش دلوقتي لأني كسولة شوية ف الفرجة، بس لما بتفرج بتبقي الترشيحات دي أول حاجة ف دماغي، وبتحصل وبشوفها، شفت النهاردة كذا فيلم، فيلم تسعيناتي ردئ اسمه "الكافير" وده مش هنتكلم عنه، لأنه مش فيلم، ده اسكتش كوميدي، يدوبك يتعرض ف برنامج ربع مشكل ف رمضان، وفيلم تاني اسمه "كدبة كل يوم" بتاع عمرو يوسف، ومحمد ممدوح، وده هنتكلم عنه بعدين، وآخر فيلم شفته، بناءا علي ترشيح م البوي فريند بتاعي، وهو فيلم تسعيناتي بردو، بس لأحمد زكي، فيلم "الباشا"...



بداية انا حابة أعتذر لنفسي ولروح العظيم أحمد زكي اني مشفتش الفيلم ده قبل كدة، هو مش مشهور أوي للأسف، ومشفتوش بيتعرض ف التليفزيون عامة خالص، بس لما جه ف بالي، حبيت أشوفه، لأني مرتبطة جدا بأفلام التمانينات والتسعينيات، عالم ما قبل الموبيلات، قبل ما الكومبيوتر يبقي كل حاجة ف الحياة...

لفت نظري الأسماء الكتير اللي علي تتر الفيلم، طارق العريان، مخرج ومنتج منفذ، رياض العريان منتج، سامح الباجوري قصة وسيناريو، هادي الباجوري مصمم معارك، استعراضات لعاطف عوض، ياسر عبد الرحمن موسيقي، نادية شكري مونتاج، ولأسباب تتعلق بحبي لمحمد خان، وارتباطه الشرطي باسم "نادية شكري" حسيت والتتر بيبدأ ان الفيلم ده هيكون حلو..



خلينا متفقين اني باكره البدايات الصاخبة والزاعقة، بينما ورق الفيلم، والفيلم نفسه متصور بمزاج جدا، رغم موضوعه الشائك والصاخب، شبكات الدعارة، عالم داخل ملهي ليلي، واللي حبيت ديكوراته جدا، وحبيت اضاءته والرقصات جدا، بداية الفيلم كانت نقل للظابط "حسام" من المخدرات للآداب، لأنه خبط ف الروس الكبيرة...

الظابط اللي أداه أحمد زكي ف الفيلم ده بيختلف كلية عن أي ظابط أداه زي مثلا "هشام" ف "زوجة رجل مهم" واللي كان ظابط سادي الطبع، و"يحيي المنقبادي" ف "أرض الخوف"  واللي كان محتار وف تجربة، وواقع ف حيرة...الظابط ده ظابط يمكن له نزعة مثالية، عايش لوحده، بنعرف بعد كدة انه بيفتقد جو الاستقرار، بيأجر شقته مفروش، مراته مسافرة دولة عربية بتشتغل، وابنه بعيد عنه، ودايما بنلاقيه قاعد ف بيت شريكه "ممدوح وافي" وبين أولاده الاتنين، ومفتقد الجو ده بشكل كبير...



"حسام" الظابط بتاعنا عاشق للمغامرة، بيحب السرعة، دايما بيحب يخاطر، بيسابق كل حاجة حتي الزمن، وبيعلم ابنه كدة، بيعلمه يكون سريع، ويسابق كل حاجة، ويتحدي نفسه، بيصطحب معاه زميله "رب الأسرة" سواء في مطارداته بالعربية، او لما نط من فوق الكوبري، ورغم ان القضية طلعت فشنك، إلا انه ف النهاية اتصالح مع نفسه، وقفل الكباريه لمحمود حميدة، رغم ان الفساد مستمر...

عالم "أحمد زكي" في الفيلم، عالم هادي، وحيد، بيحاول دايما يحيطه بصخب شغله، بعلاقته الفاترة مع مراته اللي فضلت عليه السفر والفلوس، بعلاقته بشريكه المناقض ليه، وحب المغامرة وحب الحياة اللي فيه هو كان الخط اللي جمعه مع "سارة" وده الجزء التاني م الحدوتة.




العالم التاني، عالم ال"كباريه"، عالم "جو" اللي مظهرش بوضوح جوة الفيلم لكن كان زي "محرك العرائس" ماسك كل الخيوط، صاحب الكباريه اللي "سارة، مني عبد الغني" بتشتغل فيه، بيحاول انه يجرها للعالم بتاعه، وهي للأسف مش فاهمة، ان "جو، محمود حميدة" استخدمها زي غيرها مع "معتز، محمد المرشد" لكن هي كانت فاكرة ان علاقتها مختلفة، مكانتش فاهمة انه هييجي الدور عليها وتبقي زي غيرها، تتقدم كادو عشان جو يخلص شغله...

جو بقي، محمود حميدة، كان ملك ف دوره رغم محدودية ظهوره ع الشاشة، لكن باللوك اللي كان عامله، وهوايته في عزف الساكس، كان متألق بشدة، عبقرية محمود حميدة عامة ف اداءه الهادي علي الشاشة، واللي محدش تقريبا بيعرف يأديه غيره...

البارمان الظريف، "أشرف عبد الباقي"، اللي مش متدايق من مهمته ولا شغلته، وبيحاول يعملها Promote مع الوقت، اداء ممتاز من أشرف، حبيته جدا، حتي لما ارتبط بواحدة من اللي شغالين ف المكان، كان ناضج كفاية ولما قالها انه آخر يوم ليها ف المكان، قالها "ده قرار مش رأي"، عجبتني الجملة دي..

علاقة سارة بمعتز كانت علاقة "عايمة" ملهاش مسمي، لا هي حب، ولا صحوبية، ولا عشيقته، متفهمش هي نفسها كانت عاوزة ايه، يمكن تقاطع خطوط حياتها مع حياة "حسام" هو اللي خلاها تقرر هي عاوزة ايه، بعد ما كانت زي الكرسي الهزاز، رايح جاي، وحيدة مش بتكلم حد غير الكلب بتاعها، ستايل حياتها طايش شويتين، بس لما اتقابلو، هو محاسبهاش ع اللي فات، بس قالها "احنا لسه ف مصر"، كلمتين يوجعو عامة...

أداء ممدوح وافي في الفيلم كان بديع، دور رب الأسرة الجبان، اللي بيفكر ألف مرة ويفضل انه يمشي جوة الحيط دور يطلع منه كتير، أحمد زكي كان بيمثل بشكل مرتاح، من غير تشنجات أو دراما أوفر، الفيلم يبان خفيف لكنه مؤثر بشكل كبير...


مني عبد الغني وللغرابة الشديدة طلع منها قدرة تمثيلية جميلة، خسارة انها اعتزلت والله، لأنها قدمت أغنيات جميلة جدا في الفيلم، خلتني بعد ما الفيلم خلص رحت أدور عليها، وحملت الألبوم كله، محمود حميدة طبعا لا تعليق علي أداءه، أداء كلاسيكي شديد التمكن...

الموسيقي ل"ياسر عبد الرحمن" كانت أكثر من رائعة، وألحانه اللي قدمها ل"مني عبد الغني" كانت أحد أسباب جمال الفيلم، خصوصا أغنيتي "الدنيا برد" و"لحظة صفا"، من أجمل ما يكون، ودمجهما مع لحمة موسيقي الفيلم دي عبقرية من "ياسر" زي ما عودنا...

تحية لصناع العمل الجميل المجهول ده، عمل جميل، في منتهي الاتقان والهدوء والرقة.
الله يرحمك يا أحمد يا زكي، كنت برنس...بتمثل وانتا سايب ايديك..



29 مايو 2016

قواعد ال Oral Sex الأربعون..!

خلصنا خلاص كل القواعد وقلشنا كل القلش؟ النهاردة استكمالا لمسلسل ال"أباحة" اللي مش ناوي يخلص ده، قررت أقدملكم حاجة جديدة، شئ يهم كل شاب وكل فتاة، ألا وهو، قواعد البلوجوب رجالي وحريمي، لا مؤاخذة "المص" الأربعون..!


المهم، الOral Sex وخلينا نسميه بالاسم ده، عشان الاسم التاني مبتذل فشخ بصراحة ليه قواعد وأصول، وبصراحة أغلب الرجالة بتطلبه وأغلب الستات بتقرف منه أو بتعمله كتقضية واجب، ده لو رضيت تعمله أصلا، هو من الأفعال القليلة في الحب، زيه زي البوسة كدة اللي بيعبر عن تقديرك وحبك لجسم شريكك، وانك ممكن تسعده وتخليه يبقي High قدامك بحاجات بسيطة جدا..




فيما يلي النصايح الأربعون للرجالة والستات، هنكتبها بصيغة المحايد، وHappy Oral Sex وربنا يوفق الجميع..!

1. النضافة الشخصية أهم م الأكل والشرب وهدوء المكان.
2. الشعر الزيادة هو عدو الرجل والمرأة، وبيفصل جدا.
3. انتا/انتي انسان/ة وبتعرق/ي، أضعف الايمان تكييف أو مروحة في الأوضة.
4. اطلب/ي بطريقة Nice بلاش يلاقي ال"حاجات" متصدرة ف وشه كدة ويبصلها/تبصلها كأنها عقاب.
5. بلاش أنانية، انتا/ي مش لوحدك ف الأوضة.
6. استخدم ايديك، الايدين مهمة.عينيك لازم تفضل ف عينيك شريكك، دي لوحدها بتجننه.
7. عندك لسان، مهم تتكلم بيه، اوصفه/اوصفيه، جامله/جامليه، قوله/قوليله أكتر حاجة انتا بتحبها فيه.
8. اقرا أكتر عن جسم شريكك، ومتفضلش/متفضليش تهبد/ي ف حتة واحدة وخلاص.
9. غيّر واكسر الروتين، بلاش تبدأ البداية المتوقعة ف كل مرة.
10. سيب لشريكك أو شريكتك مساحة حرة، بلاش تبقي أبلة الناظرة وهو بيشتغل، حط/ي وشيل/ي وهات/ي ودي، كفاية أوامر.



11. لو محتاج/ة تدي أوردر ممكن تديه بطريقة مختلفة، مثلا عاوزه يلمس جزء معين امسك ايديه وحطها عليه وهكذا، لكن بلاش صيغة الأمر، بتفصل جدا.
12. لما تحس انك خلاص، هه؟ بلاش تدوس للآخر، شريكك/ شريكتك ليه حق عليك مالم يتم الاتفاق علي غير ذلك.
13. حاول من وقت للتاني تجرب الBlowjob مع الأكل والشرب، والحلويات، عندك نوتيلا، وعندك العسل "أبيض أو أسود"، وعندك Lubricants فيها نكهات فواكه، جربها/جربيها..!
14. اعمل مفاجآة لشريكك/شريكتك بالOral Sex  زي مثلا يصحي علي واحدة، بعد يوم طويل وتعب تكون مكافآة وهكذا.
15. لو حسيت ان شريكتك بتتخنق من حاجاتك بلاش تدوس أوي، ممكن يحصل رد فعل عكسي وترجع :D
16. العب/ي مع أعضائك شريكتك/شريكك، متهملش حاجة وتمسك ف حاجة.
17. مش لازم Penetration علي فكرة، مش اجباري، منزلش ف المانيوال بتاع الحاجات :D
18. لحتة اللي ماسكها بوسها، البوس بيفرق صدقني.
19. استخدم/ي صوابعك، دي جزء م اللعبة.
20. لسانك ممكن يعمل حاجات كتير غير الرغي بردو، فاهمين؟



21. البيئة الرطبة في الفم مثيرة بشكل أكبر، لو الريق ناشف ممكن يبقي جنبها قزازة مية تساعدنا.
22. اتصرف/ي علي طبيعتك، سيبك من الPorn كله مزيف ومش حقيقي.
23. سمعنا/سمعينا صوتك لو سمحت عشان نعرف انتو مبسوطين ولا لأ...!
24. ادي شريكك/شريكتك Feedback عن اللي حصل ده، عشان يعرف/تعرف هو كان/ت كويس/ة ولا لأ، ولو اتدايقت من حاجة قولها، متتكسفش يعني :D
25. نورو الأوضة، الحاجات دي تحب النور، والرؤية الواضحة مهمة ف العملية ككل.
26. متفضلش/متفضليش علي وتيرة واحدة طول الوقت، ابدأ بطئ، ومع الوقت اعلي بالايقاع، ولو حسيت انه قرب خلاص، اهدي تاني، وطول الوقت غير الي انتا/انتي بتعمله، متفضلش علي نفس الحاجة وخلاص.
27. خلي عندك شغف وحب دايما..
28. الفخاد مهمة علي فكرة ومنطقة حساسة جدا، ركز/ي معاها.
29. بالنسبة للرجالة من أكتر المناطق الحساسة عامة: الخصيتين، منطقة العجان "من نهاية الpenis لحد فتحة ال"شرج"، وفتحة الشرج نفسها.

30. اللعبة لعبتك انتا اللي بتحط قواعدها، متخليش حاجة توقفك فيها أبدا.
     
31. بالنسبة للستات: من أكتر المناطق الحساسة: الclitoris، الفخاد، العجان بردو، الحاجات ككل فيها أكتر السينسورز ف الجسم :D 
32. مداعبة الAsshole حلوة، جربوها :D
33. ممكن تستخدم/ي ايدك بس، او ايدك مع لسانك، أو ايديك مع لسانك مع شفايفك، استخدم كل حاجة تعرف تستخدمها.
34. الTeasing مهم جدا، لو حد منكم طلب حاجة وألح عليها، ممكن تلوعه/ا شوية لحد ما تعملها، دي طريقة كويسة ومجربة.
35. ممنوع استخدام الأسنان، السنان بتوجع وممكن تعور.
36. بلاش العنف الزيادة ، غلط مع نسيج الPenis لأنه ممكن يتكسر علي فكرة..! خلو بالكم يا ستات..!
37.لو شريكك/شريكتك قالك انه/ا بيتألم، وكررها هو أكيد مش بيتدلع، وقف وشوف ايه اللي وجعه/ا.
38. متعملش حاجة انتا مش عاوزها، لو مش عاوز/ة م الأول بلاش.
39. Bad blowjob is a good blowjob.
40. حبو بعض، واهتمو ببعض، ودايما خلو فيه شرارة بينكم، متخلوش الروتين يموتكم وكل ده هييجي تلقائي...

من مشاركات الأصدقاء بقي بعد ما قرو البوست:

1. الHands free blowjob ودي بتكون من غير استخدام الايد تماما، فقط عن طريق الفم.
2. اللعب مع الtits سواء راجل أو ست، بتكون شئ ممتع جدا، لأن الtits عامة حساسة عندنا وعندهم عادي :D


خلصت القواعد الأربعون لل Blowjob، أتمني تكون عجبتكم ونتقابل تاني...
مختصر الكلام ده كله انك تخليك نفسك، وتحاول تسعد شريكك، وتخلي عن أنانيتك لدقايق معدودة!

26 مايو 2016

خمس فوايد لل Nudity ~ البلبصة لا مؤاخذة :D

كنت قاعدة ف أمان الله قدام اللابتوب بتاعي باكتب كدة، واذا بفكرة قذرة عدت علي بالي، وقلت أطرحها علي ادارة تحرير المجلة اللي انا باكتب فيها، وكنت عارفة انها هتترفض، بس قلت أجرب، المهم، الفكرة اتطورت واتعدلت لحاجة تانية هتتكتب بعدين، لكن تبقي الفكرة الأصلية هي الي كنت عاوزة أكتبها، وبما ان المدونة هنا لا ليها ليميتس، ولا جمهور نخاف علي زعله ولا بوليس الآداب هييجي يعكشنا كلنا، ف أنا قررت اني أكتب مقالة عن فوايد البلبصة ويلا بينا نقلع ونشوف فوايد البلبصة ايه :D

كتبت المقالة دي لأني افتكرت مرة زمان صديقة، الله يمسيها بالخير بقي، كانت لما بتقلع أو بتلبس مبتبصش لنفسها ف المراية، وكانت يوم ما بتفكر تبص بتبص وهي لابسة الغيارات الداخلية، علي اعتبار ان فيه حد شايفها مثلا، حسيت وقتها بالعبط، لأني ومن زمان كنت باحب أبص علي جسمي، بس سرقة، تصورو العقد وصلت بالواحد لأنه بيسرق نظرة علي جسمه...!

الفايدة رقم 1: تعرف علي نفسك أكتر...



من واحنا صغيرين أهالينا دايما كانو بيخوفونا من مظاهر بلوغنا، خبي صدرك، انتي بقيتي كبيرة، البس حاجة طويلة ومتدارية انتا بقيت شحط دلوقتي، ايه البادي الضيق ده، ايه البنطلون الماسك ده، وأشياء من هذا القبيل البضان، ف دايما أي مراهق مصري بالذات بيكبر وهو مرعوب من جسمه، ومرعوب من مظاهر بلوغه اللي المفروض حد يفهمهاله بشكل علمي ويخليه متصالح معاها، لأ احنا بنرعب نفسها وبنرعب ولادنا أكتر، وبنسيبهم فريسة لمنتديات نسوانجي وعطعوط وعرب نار :D احيه :D المهم يعني :D انتا لما تقلع وتبص لجسمك، هتبدأ تشوف جسمك، تسكتشف منحنياته، كل منطقة ف جسمك حتي لا مؤاخذة مؤخرتك، اعرف كل جزء ف جسمك، ميز لون جلدك، شكل شعرك، راقب نفسك بمنظور جديد، كأنك بتتعرف علي صديق جديد، بس صديق حميمي أوي..!


الفايدة رقم 2: حب نفسك، محدش هيحبك أكتر منك..



سواء كنت في علاقة او لأ، ف انتا لازم تعرف جسمك كويس، وتحبه، لما تحب جسمك ده هينعكس بالايجاب علي نفسيتك، ف هتكون مشرق أكتر، وتمشي فارد ضهرك، وتبطلي تخبي صدرك، وتفتح زراير أم القميص للشمس والحياة زي محمد منير، وهكذا، لما تشوف جسمك وتحبه، ده هيخلي الناس تحبك أكتر، دلع نفسك بكلام رقيق، امدحها من وقت للتاني، ودلعها، وانتا عارف تدلع نفسك ازاي انا مش هقلبها شكس هنا يا أليل الأدب :D



الفايدة رقم 3: اتصالح مع نفسك..!



احنا مش مودلز، مش كلنا بنعمل اعلانات لبوكسرات كالفن كلاين ولا فيكتوريازسكريت، احنا ناس عادية، عندنا كروش، عندنا فخاد، وعندنا دهاليز ف أجسامنا علي رأي واحدة كنت أعرفها زمان، مش عيب ان جسمك ميكونش مثالي، لكن العيب انك تفضل تجلد نفسك علي العيب ده عمال علي بطال، عندي كرش مفيش واحدة هتبصلي، عندي كرش ومحدش بيحبني، طب ما تروح الجيم وتنزل الكرش، هو مش تايتانيوم علي فكرة ودي دهون ممكن تنزل عادي علي فكرة :D

متقعديش تقولي انا فلات، ومحدش هيبصلي، أمي دايما بتقولي كل فولة ولها كيالها، بس بلاش الغش يا بنات أبوس ايديكم، الرجالة بتسبلنا أديان بسبب الPush ups والحاجات الي بتعمل خدع بصرية وييجي ع الطبيعة ميلاقيش حاجة :D

انتي لما تتصالحي مع جسمك صدقيني كل حاجة هتبقي كويسة، والناس هتحبك وهتحترمك، يا عزيزي كلنا مبعجرون..!



الفايدة رقم 4: صحتك بالدنيا..



الأبحاث العلمية في مجلة "علمني العوم والنبي يا أحمد" أثبتت ان النوم بلبوصا يساعد في تقوية الجهاز المناعي والصحة العامة، بالنسبة للرجالة عندهم حاجات بتطول وتقصر طول الليل ف لو لبس حاجة ضيقة هتعمله مشاكل، بالنسبة للستات، لما تنامي بأقل هدوم أو من غير هدوم ده بيديلك دفا أكتر، ونشاط اكتر لما تقومي الصبح، والكلام عن تجربة علي فكرة، بلبصو تحت اللحاف يا جماعة، متتكسفوش من حاجة، محدش هيصوركو وانتو نايمين انتو أهيف من كدة بكتير :D


الفايدة رقم 5: اكسر حاجز الخجل والرعب..!


لما تقضي وقت طويل وانتا متخفف من هدومك، او قالع خالص، ده بيعزز ثقتك في نفسك، وبيخليك تتحرر من فكرة ان القلع يساوي السكس، بالتالي ان أي ست قالعة ده مش معناه انها عاوزة ت هاف سكس وخلاص لأ، ممكن تكون حرانة عادي، لو عايش لوحدك جرب انك تقضي يوم من غير هدوم، وصدقني مش هتلبس إلا لو نزلت الشغل، كل الشعوب المتحضرة المثقفة عندها ثقافة القلع، الدنمارك عندها النيوديتي داي، كوريا بيروحو الشغل من غير بنطلونات بالبانتيهات بس، واحنا عندنا بيركبو المترو من غير ما يستحمو...

آت ليست لو مقلعتوش بس، استحمو، استحمو يرحمكم الله :D

خلصت المقالة وأتمني تكون عجبتكو، وياريت الي عجبته يعمل شير وريتويت ولايك كدة :D



19 مايو 2016

عن حلاوة الحب..!

الحب احساس جميل، وأنا دوما أحتاج لأن أحيا في حالة حب، سواء كانت حالة حب خيالية، أو من طرف واحد، أو مع الموسيقي والكتب، والكتابة، لكن الأجمل من كل هذا أن تحيا في حالة حب مع شخص، يبادلك هذه الحالة...




كنت منذ لحظات أستمع لأغنية "نانسي عجرم، ياسلام" وهي تقول

"لكن فاكرة عينيا، لما جريت عليك، ولقيت قلبي ف ثواني..مليان منك غرام.."




وأحسست بتدفق المشاعر بداخلي، أحسست كم أفتقده حتي وهو نائم، كم أفتقده وهو يعمل، كم أرغب في أن أسمع صوته بلا انقطاع، كل ما في كياني هو ملك له، كما كيانه ملك لي..!

تذكرت كيف كنا أصدقاء منذ قديم الأزل، وكيف كنت لا أهتم به مطلقا، وأحذفه مرارا وتكرارا من الفيسبوك، معللة لنفسي أنه شخص غريب عني، وأن ما علي تويتر يبقي في تويتر، والفيسبوك العائلي وهذه الترهات عديمة القيمة، أخيرا، كان لقائنا الأخير في يونيو الماضي، عام تقريبا، عاودنا الصلات المقطوعة، وان كنت وقتها يصيبني الاحباط وعدم التركيز، لأن له أخا توأم، وأذكر حتي أن هذا الأخ التوأم كان صديقي أكثر منه، وهو ما يضحكني بشدة الآن..!!

توغلت الصلات تدريجيا، وهو ما لم أكن أحسبه ولا أدركه، وفجأة، شعرت بأنني أفتقده، بل وأحبه، فحاولت التملص من هذه المشاعر، أملا في ان أبقي وحدي مجددا من بعد تجربة لا أحب ذكرها، تعلمت منها الكثير، وأصابتني بالاحباط كتيرا...
لم أحسب الساعات التي كنت أكلمه فيها، ولم أكن أشعر بالوقت أصلا، كل ما في الكون كان يتوقف انحناءا للحظاتنا سويا...
وللغرابة الشديدة لم نكن التقينا وقتها، تصور كل هذه الساعات ولم نكن قد التقينا؟ أي قوة كونية تجمعنا..!

أتت اللحظات الساحرة، والتقينا، ومنذ هذا الوقت لم نكف عن اللقاء، أحبه ويحبني، هو ابني، وأبي وزوجي وحبيبي وخطيبي...هو كل شئ...أحبه..!

15 مايو 2016

أحلي وأحلي - عمرو دياب: قراءة نقدية...

السنة دي ولأول مرة قررت أتخلي عن الأحكام المسبقة، وأبطل أسلم دماغي للناس في موضوع ألبوم "عمرو دياب" وأسمع وأحكم بنفسي، لأن أراء الناس عامة عطلتني عن سماع ألبومين "بناديك تعالي" وألبوم "شفت الأيام" لعمرو، كان اخر ألبوم سمعته علي بعضه تقريبا كان ألبوم "ليلي نهاري" ومن بعده بدأت اطلاق الأحكام علي عمرو دياب انه خلاص شطب، وانه ملوش عازا أثلا، وكلام كتير من هذا القبيل، لكن الشئ المؤكد ان عمرو دياب السنة دي، عمل ألبوم حلو..!



الألبوم اسمه "أحلي وأحلي" اتسف عليه سف السنين خصوصا ان كلمة "أحلي" مشابهة لكلمة "أحا" وكدة، معلش نعتذر عن اللفظ القذر، بس كان لازم نقول السفة، الألبوم جيد الصنع، انتاج شركة اسمها "ناي فور ميديا" وهو أول ألبوم لا يتعاون فيه "عمرو دياب" مع شركة روتانا، والواضح ان شركة روتانا كانت السبب ف بلاوي كتير، مش هنتكلم عنها دلوقتي.

هنتكلم عن الألبوم اختصارا شوية، مش هنتكلم كتير عن الجمل اللحنية، لأن عمرو عامة مش بتاع طرب وتلحين، بس هو فنان كويس، بيعرف يختار التراك اللي يسمع ويعلم، خلونا نتكلم كدة اختصارا...

11 مايو 2016

ست أغنيات هتفكرك ب شريفة فاضل..!

كلنا مبنحبش المغنيين القدام، وفكرتنا عنهم انهم كلهم أم كلثوم وكلهم عبد الحليم، بس الحقيقة ان كان فيه ناس كتير جميلة جدا عايشة أيام الستينيات والسبعينيات، ومغنيات أصواتهم كانت أجمل من الجمال، لكن حظهم خلاهم اتدارو تحت شهرة أم كلثوم وتحت عظمتها، من الستات الجمال اللي كانو موجودين في الفترة دي، المغنية الجميلة، ربنا يديها طولة العمر والصحة، الست "شريفة فاضل"..!


شريفة فاضل من الأصوات المميزة، اللي ليها نبرة صوت وخامة مميزة، ملهاش حل، اشتهرت بأداء الأغنيات الخفيفة، صوتها كان أميل للخامة الشعبي، مثلت وغنت كتير، واشتهرت باحياء الأفراح والليالي الملاح، وتشتهر في الأوساط الفنية بأنها صاحبة كازينو "الليل"، وتش از عادي يعني، مغنية عاوزها تفتح ايه؟ مدرسة؟ المهم يعني، خلينا في البوست ده نستعرض مع بعض أجمل أغنيات أدتها الفنانة شريفة فاضل، أغنيات في التاريخ الفني لمصر، محدش هينساهم ولا يقدر ينسي صوتها المميز بشكل كبير..!



1. علي مين "حارة السقايين".
كلمات: حسين السيد وألحان منير مراد.

الأغنية الأشهر علي الاطلاق في تاريخ الست "شريفة" الفني، أجمل ما في الأغنية هو لحنها الرشيق، وكلماتها الدارجة السهلة، اللي بتحمل قدر كبير من الاستهانة بالخصم والتهزيق الي هو متبعهمش علينا يعني احنا صيع وانتا رايح تصيع احنا كنا راجعين :D
الأغنية أعاد غناءها محمد منير في توزيع مليء بالبهجة والطفولة، لكني في النهاية بكون أميل للتراك الأصلي كالعادة..!



2. اكمنك حلو حبة.
كلمات زين العابدين عبد الله وألحان محمد فوزي.

علاقتي بالأغنية دي للأسف بدأت متأخر قوي، من أقل من شهر تقريبا، سمعتها الصبح بدري وانا رايحة الشغل في تاكسي، عجبني توزيعها الرشيق، ف مستغربتش خالص لما لقيت عليها اسم محمد فوزي، الدرر دي مش مستغرب أبدا انها تطلع من تحت ايديه، بالتوزيع الجميل، والأكورديون اللي في منتهي الرشاقة، وصوت شريفة كان صبي وجميل، وهي أدت الأغنية بكل رشاقة بصراحة.



3. أسمر يا سمارة.
كلمات: خليل محمد خليل والحان ابراهيم عشماوي.

يقال ان الأغنية دي اتكتبت مخصوص للسادات، بغض النظر عن الأوشاعة ف الأغنية جميلة جدا، رغم ان اسم ابراهيم عشماوي مش مشهور جدا، لكن الأغنية من أغنياتها الجميلة، واللي كنت بسمعها باستمرار في الراديو عشان أدندنها مع الست شريفة.


4. اه يالمكتوب.
كلمات محمد حمزة وألحان بليغ حمدي.

من الأغنيات اللي لما سمعتها كدة من أول طلعة عرفت ان "بليغ" هو الملحن بتاعها، مع اني سمعت فيها طراطيش من "اخر ليلة شادية" علي كام أغنية تانية، بس معلش، الأغنية حلوة وكل حاجة، وصوت شريفة فاضل محليها جدا، كالعادة، صوت أنثوي له بحة قاتلة بصراحة.



5. لما راح الصبر منه.
كلمات: مجدي نجيب وألحان منير مراد.

منير مراد م الناس القليلة اللي بتعرف تطلع قدرات المغني الصوتية من غير ما تتعبه، الأغنية دي من أجمل أغنيات شريفة علي الاطلاق، عليها "ااااه" في الأغنية تسيح الحجر..!



6. مبروك عليك يا معجباني.
كلمات: حيرم الغمراوي وألحان سيد مكاوي.

أشهر أغنيات الأفراح في فترة السبعينيات علي الاطلاق، كنت متعودة أسمعها في اذاعة الأغاني كل يوم خميس، لما كانو بيذيعو أغنيات الأفراح في الوقت ده، زمان بقي، لحن جميل وسلس، ومليئ بالبهجة والفرح، والزغاريط من المرقع رقم واحد في الملحنين: السيد مكاوي..!


 
Reem Essam Cairo , Egypt | copyrighted2011 - Reem Essam