الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

13 نوفمبر 2015

"عايزة أعيش سميرة سعيد" - قراءة نقدية.


سميرة سعيد هي عمرو دياب المطربات، لا يصيبها الشيخ، ولا العجز، ملامحها الضئيلة لا تشي بسنها الكبير نسبيا، سميرة ظهرت في أواخر السبعينيات علي يد العظيم الراحل "بليغ حمدي" وكانت احدي المواهب التي اكتشفها، ومرت بمراحل عدة، بدايتها الفنية كانت موشحات، وأغنيات بليغية طويلة ذات فواصل موسيقية أطول، اسطوانات، ثم شرائط بيك أب، ثم شرائط كاسيت، ثم سيديهات.




سميرة سعيد في الموسيقي من قبل عمرو دياب، عمرو نفسه يمكن أن يناديها ب"طنط" لكن الثابت بعد أن سمعت ألبوم سميرة أنها تحظي بشباب وحيوية ونضارة تفوق بنات العشرين بما فيهم كاتبة هذه السطور، سواء في الصوت، أو الاختيارات الفنية، أو في التفكير، وانا اللي "طنط" يا سميرة انا اسفة :D

ألبوم سميرة أتي بعد غياب سبع سنوات بعد ألبومها الأخير "أيام حياتي"، وطرح عدة سنجلز علي استحياء، كلها سنجلز كسرت الدنيا مثل: مازال "مع فريق فناير"  و "اللي بينا"، وغيرها.


ألبوم سميرة عامة يقسم إلي أربعة أقسام: أغنيات شرسة - أغنيات راقصة صيفية - أغنيات تكنو أو ترانس أو ديسكو "حسب السائد" وأغنيات سلو، هي في حديث صحفي لها أكدت أنها اقتربت من روح الاندرجراوند في العديد من الأغنيات، وإليكم التفاصيل!


1- هوا هوا.
كلمات شادي نور - ألحان بلال سرور - توزيع هاني يعقوب.


تحت كاتيجوري أغنيات الصيف، تأتي هوا هوا، لا أنصح بسماعها في البرد اطلاقا، ستصاب بالرعشة من فرط الهواء!

بداية رشيقة عبر أوتار الجيتار، والأورج، ثم يدخل صوت سميرة رشيقا..

"هوا هوا..
هوا هوا...
هوا ملا قلبي وملا عيني هوا.."
 تغني سميرة ككورس..

ينزل صوت سميرة تون، فتبدأ بالهمس في دندنات منظمة ككورس:
"الله الله..
ايه الجمال ده..
الحياة احلوت من امتي؟"

مع سميرة صوت الجيتار في الخلفية، تجبر لا حيلة لك علي التصفيق مع تلك الأغنية.

"انامكانش ف مخططاتي
يكون هو سبب انبساطي..
الله الله..
ايه الجمال ده؟
الحياة احلوت من امتي..
سحرتني من يوم وليلة..
بقيت شايفة الدنيا جميلة...
الله الله..ايه الجمال ده.."

توظيف لازمة الأغنية في منتصف الكوبليه أضاف عليها مزيدا من الرشاقة والحيوية، أغنية كهذه لا تصدر من ستينية أبدا..!

مع صوت سميرة ولمعانه في بعض المناطق نسمع شردات من جيتار رشيق...

في فاصل الأغنية نسمع "ساكس فون" يندر أن نسمع هذه الآلة الرشيقة في أغنيات بوب عادية، لكنه متمكن وأضاف للأغنية جمالا.

توظيف البركشن مع الساكس...في منتصف الأغنية جعلها رصينة ورشيقة في آن واحد.

"أساسا انتا عليك طريقة..
بتستحوذني في الحقيقة...
الله الله..
ايه الجمال ده؟
الحياة احلوت من امتي..
وجودك ف حياتي عادة...
بلاقي فيها سر السعادة...."

الكوبليه الثاني نسخة من الأول، لا تجديد علي الصعيد اللحني، لكن كوبليه الختام هو من حمل الجملة الطربية الوحيدة في الأغنية.

"قلبي هوا هوا..
حبه هوا هوا...
ملا قلبي وملا عيني هوا.."

الأغنية عامة كتبت بأسلوب "يا سلام يا سلام يا سلام يا سلام"، هي لطيفة ورشيقة، لكن عمرها في سوق الأغنيات السريعة قصير.
الأغنية بشكل كبير اعتمدت علي التوزيع، الكلمات ليست بالشئ العظيم، هي أغنية أداء لطيفة، تصلح للحفلات، ستضع سميرة علي قائمة مطربات برامج المسابقات، ربما نراها تطل في ستار أكاديمي قريبا.

تستحق 6\10




2- عايزة أعيش
كلمات وألحان: محمود العسيلي - توزيع علي فتح الله.

من كاتيجوري الترانس\ديسكو تأتينا أغنية أنا عاوزة أعيش، نلمح علي استحياء اسم "محمود العسيلي" مطرب "مجنونة" في تعاونه الأول مع "سميرة"، أغنية لطيفة، تخيلتها للحظة بصوت عسيلي، تناسب خلجات صوته المضطرب الغريب.

أصدقكم القول لم أكن يوما ما من محبي عسيلي ولا أغنياته الغريبة، ولا أسلوبه المتفرد "بزيادة"، لكن تعامله الفني مع سميرة مثمر وظريف، أغنية جميلة.

"كأني عايشة من غير آمال..
ف أوضة كبيرة ملهاش باب..
ملل..
خانقلي حياتي...
زهق...
فوق أي احتمال.."

تمهيد ظريف لأغنية س"تسخن" في الدقيقة الثانية منها، ستتقافز فور سماعك..ل:
"انا عايزة أعيش..
زعل مفيش..
وكفاية خلاص..
تعبانة ليه..
كآبة ليه..
انا عايزة أطير..
فوق السحاب..
هستني ايه؟"

اداء عال من سميرة، أتمني أن أحظي بفرصة سماع الأغنية "فوكالز" من دون التوزيع المزعج بعض الشئ.

التوزيع المشابه لتراكات "ارمين فان بيورين" اتي رشيقا، علي فتح الله وجه جديد في عالم التوزيع، لذا بطاقة تعارفه مقبولة وفي انتظار المزيد منه.

"خايفة علي نفسي 
وبانية أعلي سور
وف حياتي خلاص
 نسيت احساس النور..."

ثم تكرار للازمة: "انا عايزة أعيش"، وسط دقات بيانو وتوزيع فخم يليق بترانس، 
الكلمات كانت لطيفة، تشبه الأغنيات الأمريكية، بوب معتاد.
استخدام طبقات صوت سميرة العالية ممتاز، التوزيع ممتاز، الكلمات لطيفة.

الأغنية تستحق 7\10


3- انسانة مسئولة
كلمات نصر الدين ناجي - ألحان شريف قطة - توزيع أحمد رجب.

قليلة هي الأغنيات التي علي نسق أغنيات الريجي التي تنفذ بشكل صحيح في مصر، أشهرها "شتا" لمنير.

نصر الدين ناجي اسم لشاعر، مميز فرض نفسه بقوة علي الساحة الغنائية، لقائنا الأول في الألبوم مع كلمات تستحق أن تسمعها.

الأغنية بدأت ببيانو مع بركشنز، واكسليفون، وجيتار يشبه توزيعات الروك، مطلعها ذكرني بموسيقي فيلم Pink Panther.

"انا مش كتاب..
تقراه وترجع تحبسه جوة الدولاب...
انا مش رسمة..
ع الحيطة...
مش حاجة ف الأوضة..
عشان تقفل عليها...
انا مش خزنة تحرسها..
ولا قطة هتحبسها...
بحجة خوف ملوش اسباب.."

هذا ما يسميه علماء النحو والصرف والبلاغة "براعة استهلال"، للحظات ستصاب بالذهول، ماذا قالت هذه السيدة، هل قالت "قطة" فعلا؟ هل قالت "دولاب"؟

ألفاظ دخيلة علي أغنية في ألبوم مطربة "بوب"، ألفاظ تليق أكثر ب"وسط البلد" بالتحديد بهاني عادل الذي قال من قبل "قلبك بقي انتيكة ف بيتها"، لكن بسميرة سعيد الأمر مختلف.

هي دوما ما تبحث عن الافيه الحراق، الجملة القوية، لذلك:
"أنا انسانة مسئولة..مش هقبل أكون متراقبة..
طول الوقت..
لأني قادرة بسهولة..
أراقب نفسي من
غير وصاية حد..
حب ده ايه اللي بالاجبار...
وشك وغيرة باستمرار
وتقرير يومي بالأخبار...
ودي تتسمي ازاي حياة؟"

اللحن ينساب عذب، مع التوزيع الذي مزج ما بين الجاز، والبلوز والريجي، ما بين الكيبورد، والبركشنز، والجيتار، والساكس فون.

"لازم تحسسني 
بوجودي
لا اسئلتك
ولا ردودي..
هتكشفلك حقيقة..
انا صدقني...
مفيش حاجة تمنعها..
عن حاجة...
مفيش غير..
ضميري وبس..."

تكرار للازمة:
"أنا انسانة مسئولة..
مش هقبل أكون متراقبة..
طول الوقت..
لأني قادرة بسهولة..
أراقب نفسي من
غير وصاية حد.."

نقلة لحنية في منتهي ال"صياعة" من "شريف قطة" الملحن، تناسب التويست الذي حدث في الكلمات، الموضوع يزداد غرابة ولا يمكن السكوت عليه، صوت سميرة شئ في منتهي الاعجاز، لا قدرات صوتية فظيعة، لكن اداءا وكاريزما، الموضوع مختلف.


"الحياة مش فيلم عربي قديم..
ولا السلطان وحريم
ورأي كله تحكيم وخلاص..
حبني بطريقتي سيبني اعيش
طريقتك متناسبنيش..!
أجيب منين احساس..!"

نصر الدين ناجي يخصم من عمر "سميرة" ثلاثين عاما، ويضيف لرصيدها الفني أعواما طوال، أغنية جريئة الكلمات، شرسة، قوية، ومميزة.

ثم تكرار ثانية:

"أنا انسانة مسئولة..
مش هقبل أكون متراقبة..
طول الوقت..
لأني قادرة بسهولة..
أراقب نفسي من
غير وصاية حد..
شريط سينما ممنوع م العرض"

استخدام صوت سميرة ك"حلية" في الأغنية كسر رتابة اللحن بعض الشئ، اللحن لطيف، جميل، تطويع الموسيقي للكلمات هو أجمل شئ يمكن أن يفعله ملحن، لهذا خلق الله الموسيقي عامة.

اللحن نقل حالة من داخل الكلمات، بروزها بشكل عظيم وفخم، وجعل هذه الأغنية مميزة بشكل لا يقبل الشك..!

تستحق 8\10.


4- ما أضمنش نفسي
كلمات نادر عبد الله - ألحان وليد سعد - توزيع طارق عبد الجابر.

مضي زمن سحيق منذ أن قرأت اسم "وليد سعد" علي أغنية جديدة أو فيها فكرة، الأغنية تنتمي لعالم ال"سلو"، لطيفة، هادئة، ناعمة، تستحق سماعها.

الأغنية بها الكثيرمن الفحيح واعتمدت علي الوتريات، اكتسبت نعومة من فحيح سميرة والوتريات ما بين الجيتار والكمنجات.

"بمجرد التفكير فيك..
وف أيام زمان..
قدامي يومها بتتقفل كل البيبان
وبيأس كمان..
وبتعب عشان..
احساسي اني مش معاك
عاملي ف حياتي ارتباك..
وعدم اتزان.."

كلمات لطيفة، في نهاية الكوبليه أتت كلمتين عملتا ك "ترن أوف" من جو الأغنية الشاعري: "ارتباك " و"عدم اتزان"، لكنهما مقبولتان إلي حد ما داخل سياق الأغنية.

انسياب للجيتار، خلفه الكمان، استخدام ثلاث أو أربع آلات موسيقية أتي كحكمة من موزع مخضرم ك"طارق عبد الجابر"، صوت سميرة كان موسيقي في حد ذاته.

إلي لازمة الأغنية:
"ومضمنش نفسي 
اما هتيجي ليا..
انا هعمل ايه؟
ومعرفش انا ازاي هتصرف
وانا معاك ساعتها...
جايز كل يوم صعب قاسيته
هحاسبك عليه..
أسامحك علي كل الفترة
اللي بعدك قاسيتها..
وبيأس كمان..
وبتعب عشان..
احساسي اني مش معاك..
عاملي ف حياتي ارتباك..
وعدم اتزان..."

تنهيدة عميقة...، أغنية مفصلة بالكامل لصوت سميرة..

"وأيامي تشبه بعض..
وانا باختصار...
لقيت ان فكرة اني أنسي..
كانت فكرة..صعبة..
ورغم ان انا ياما بتقابل...
مع ناس كتار...
منا ياما حسيت بالوحدة..
وحسيت بغربة..
وبيأس كمان..
وبتعب عشان..
احساسي اني مش معاك..
عاملي ف حياتي ارتباك..
وعدم اتزان..."

أغنية محملة بالمشاعر، لكن اللحن، أتذكر أنني سمعته أكثر من مرة في أغنيات لوائل جسار، لا تسعفني ذاكرتي الآن، لكنني يوما ما سأتذكر.

الأغنية جميلة، كلمات نادر عبد الله لطيفة، تعاونهما مثمرا، أتي أفضل بمراحل من تعاونات نادر مع إليسا، كملحن وشاعر، لوليد سعد الأغنية ليست أقوي ما في الألبوم، لكنها لحن رصين وثقيل، يستحق التحية.

تستحق 7\10.


5- محصلش حاجة
كلمات شادي نور - ألحان بلال سرور - توزيع هاني ربيع.

ثلاثة وجوه جديدة في أغنية واحدة والنتيجة مذهلة! أغنية "محصلش حاجة" هاربة من مسارح برودواي وضلت طريقها لألبوم "سميرة سعيد".

لحن رشيق، مميز، توزيع ينم عن ثقافة موزع واعد، اعتمد بشكل اساسي علي الالات النفخية، الأكورديون، ابتعد عن الشرقية في الاداء، فقط بركشنز، ساكس فون، ايقاعات، اكورديون.

اللحن عامة ينتقل من المتوحش إلي الأكثر افتراسا وتوحشا:
أولا علي ايقاع كلاكيت...

"وأديني سيبته وشوفت اهو محصلش حاجة

والوضع فعلا مختلفش في أي حاجة
باكل واضحك بشتغل واعمل كل حاجةلأ لأ مش زعلانة وكئيبة"

دخول لالات النفخ بشقاوة، والبركشنز في الخلفية...

مش ماسكة صورته وبتقهر زي العبيطة
ولا ماشية وبخبط دماغي في كل حيطة
مبردش عاللي يقولي كلمة جت بسيطة
بعدك مش متصنف مصيبة



اكسليفون مع كولكشن الالات...
"بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة"




تستمر الشراسة الفظيعة:
"انا عارفة انه زمانه ماشي يقول عليا
انا واحدة شريرة وقوية ومفترية
شايفين يا ناس الست دي عملت ايه فيا
كدبك سامعاه من وانا بعيدة

صولو أكورديون رائع في منتصف الأغنية، يذكرك بحواري باريس في الحرب العالمية الأولي، أوحلبة السيرك والمهرجين يمزحون، صوت سميرة ممتزج باللحن، كعادتها، تدندن باللحن.

هدوء نسبي في منتصف الأغنية، كحوار مع النفس، يفسر حالة الهيبرة في أول الأغنية:

"اسلوب كلامي طبيعي هيحير شوية
انا قاسية ولا ده كله من كتر القسية
لو حد عايز يعرف من فينا الضحية
يسأل عن مواقفنا القديمة

مقدرش أنكر اني لسه في جزء فيا
بيقولي طب كنتي استنيتي عليه شوية
متمثليش انك عايشة طبيعي وعادية
متمثليش انك سليمة"

ثم تستعيد شراستها المعهودة، وتواصل الرقص بعد أن التقطت أنفاسها:

"بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة"


أولا الكلمات فوق الممتازة، الشاعر شادي نور -لا أعلم بداخلي يقين أنه ابن سميرة- متمكن، الكلمات بصراحة غير قابلة للتلحين وتمثل تحدي جليل لأي ملحن، لكن بلال سرور أثبت كفاءة، سرور الذي مستواه يؤهله لتلحين مسرحيات موسيقية عظيمة، لا سوق لها هنا للأسف..!

مفردات شادي سرور خفيفة الظل، ألفاظه الغريبة متداخلة مع الأغنية لا تشعر بغرابتها:
"عبيطة" - "شنطة شخصيات جديدة" - "مفترية" - "شريرة" - "قوية" - "مصيبة"
جرأة تحسب لسميرة وتضيف لعمرها الفني أعواما طويلة أخري.

قد تتسائل أو تسأل نفسك، هل سن سميرة سعيد ولياقتها يسمحان لها بغناء أغنية كهذه؟ الاجابة: لا أحد غير سميرة سعيد يمكنه أداء أغنية صعبة مثل هذه، تتطلب نفسا متلاحق، وخفة ظل، وتمكن صوتي وقبل كل هذا أولا وأخيرا جرأة في أداء كلمات ولحن صعب.

أغنية "محصلش حاجة" تستحق 9\10.


6- احتمال وارد
كلمات وألحان نادر عبد الله - توزيع طارق عبد الجابر.

من قبيلة ال"سلو" نقدم لكم أغنية "احتمال وارد"، كلمات وألحان "نادر عبد الله"، أجمل ما في الأغنية الكلمات، تجسد تردد الأنثي وعقليتها المعقدة، ذكرتني بأغنية "خايفة" لسميرة.

كمنجات خائفة، خلفها بيانو مرهف الحس، تنهيدات ودندنات من سميرة، مع بركشنز، ناعم ينسحب ليحتل صوت سميرة الصدارة:


"احتمال وارد وجايز م النهاردة

انسى ليه عرفتك زمان واحتمال وارد كمان
انى منسكش في حياتي دقيقة واحدةواحتمال وارد تبطل خوف علياواحتمال متحبنيش وابقى ليك ومتبقاليشواحتمال ان انت تهرب مني ليا"

تدخل سميرة ككورس ملتاع الصوت توناليتي:


كل دي نهايات بعيشها معاك ساعات
كل دي خيالات بتتنسي من سكات
كل دي احتمالات بعيدة بس دي الحاجه الأكيدة
ان انا بحبك وانا ف كل الحالات"

هذه الجملة "ان انا بحبك وانا ف كل الحالات" تجسد المرأة باختصار بكامل جنونها وسيطرتها وضعفها وقوتها...

دخول التوزيع في منطقة أخري مع هذا الكوبليه، الأغنية أخذت منحني التانجو بشكل بسيط، توزيع يشبه توزيع أغنية Lady بعض الشئ.


"احتمال وارد وجايز تعتبرني
اني حمل تقيل عليك او مملة ف حبي ليك
واحتمال جايز تبطل تفتكرني
واحتمال وارد نيجي ف سنة م السنين
نفترق سوا باتفاق أو منرضاش بالفراق
واحتمال بعدين نوافق مرغمين"

.لا تجديد لحني، الأغنية تقليدية، مطلع وكوبليه ولازمة، لكنها في منتهي الرقة.

كل دي نهايات بعيشها معاك ساعات
كل دي خيالات بتتنسي من سكات
كل دي احتمالات بعيدة بس دي الحاجه الأكيدة
ان انا بحبك وانا ف كل الحالات"


في نهاية الأغنية نسمع صولو في منتهي الروعة من فايولينة، ذكرني بالكمنجات في أغنية "بيستحي" بشكل كبير، لا أعلم لماذا، تمنيت لو احتل الصولو وقت أطول في الأغنية، تمنيت لو كانت له مقطوعة صولو بدون كلمات.

ثم تنتهي الأغنية بدقات لطيفة علي البيانو وانسحاب للكمان، أغنية لطيفة.

تستحق 7\10

7- يا لطيف
كلمات شادي نور - ألحان بلال سرور - توزيع هاني يعقوب.

أغنية "تكنو"، ترقد تحت بنت الأغنية الافيه،تظهر كلمة "تخاطيف" بعد اخر مرة تم استخدامها فيها من خمسة عشر عاما في أغنية "يارموشها" للفقيد ايهاب توفيق!


مقسوم شرقي استخدم علي استحياء في "يالطيف"، توزيعها ذكرني ب"قوام كدة" لسميرة أيضا وذكرني ب"ما خلاص" لسميرة أيضا. -هاني موزع "ما خلاص"- 
لا أعلم، لكن الأغنية تسعيناتي إلي حد كبير.

"ايوه باين على وشك اني اضعف واحن

صوتك في وداني وبيرن يا لطيف يا لطيف

دق القلب وما بالك لو دق القلب
سهرانة بفكر على جنب وبنام تخاطيف"
سميرة أعادت غناء المطلع مرتين، مرة توناليتي ومرة بصوتها العادي، حتي تستكمل باقي الكوبليه:
ده انا كنت قربت انسى الاحساس الحلو اللي حساه
انت اللي اثبتلي انه في الدنيا ناس حلوة لسه
ده انا كنت قربت انسى الاحساس الحلو اللي حساه
جيت فجأه شغلتلي قلبي خرجت كل اللي حبساه"

تقسيم الموزع لصوتها حتي يظهر أنها "بتغني وترد علي نفسها" حتي يلغي الحاجة تماما للاستعانة بكورس، توزيع الأغنية لا يحتمل كورس مطلقا، سيصبح الموضوع فوضوي تماما.

تقاسيم ما بين الكي بورد، والايقاع، ودندنات من سميرة، اختلاف ايقاعي مابين الدف والرق، شي يرغمك علي الرقص.

"حاسة الجو عمال يحلو ويحل
وانا خايفة اكون بحلم أو كل دي تخاريف
لأ ده بجد انا جوه البحر وبتشد
وضروري اروح واحكي لحد انا قلبي خفيف"

ثم عودة للازمة الأغنية:

انا كنت قربت انسى الاحساس الحلو اللي حساه
انت اللي اثبتلي انه في الدنيا ناس حلوة لسه
انا كنت قربت انسى الاحساس الحلو اللي حساه
جيت فجأه شغلتلي قلبي خرجت كل اللي حبساه"

الأغنية ليست من العلامات عامة، هي متقنة الصنع، جيدة التوزيع، افيه لطيف، لكن موضوعها عادي، تستحق 5\10.



8- معنديش وقت.
كلمات أيمن عز - ألحان ايهاب عبد الواحد - توزيع نادر حمدي.

أغنية "معنديش وقت" تنتمي لأغاني "عبيلو واديلو" لولا اسم ايهاب عبد الواحد لظننت أن اللحن لحن عمرو مصطفي، التوزيع تقليدي بشكل كبير، تقليدي لدرجة الموت، سبانش جيتارز تم هرسها في خمسة مليون أغنية قبل هذا، لحن متواضع، توزيع ممل، أغنية عادية جدا...

دخلة الجيتارات ذكرتني بأغنية "بقيت وحدك" لأنغام، لا أعلم لماذا، أنهيت لتوي ألبومها وريفيو أرهقني احساسا وكتابة، أغنية مثل هذه، لا أجد فيها ما يستحق أن يذكر.

أداء سميرة كالعادة استثنائي، لكن الكلمات أتت متوقعة وباهته، أيمن عز لا يليق بحجم سميرة سعيد عامة، الأغنية مجرد "حشو" وسط أغاني رائعة.

المطلع:

"معنديش أي وقت يضيع عليك تاني

معنديش نية طول الوقت اعيش في خناق
وانسب حل ليك بامانة تنسانيساعات البعد من الطرفين بيبقى ذكاء"

نهاية الكوبليه هي الملمح الوحيد الذكي في الأغنية عامة..

ثم لازمة الأغنية، والتي تذكرني بأغنيات عمرو مصطفي وسامو زين التي لا يعرف عنها أحد شيئا:

ولو شوفتك انا هسلم عليك عادي
ماهو اللي يحب لا بيكره ولا يعادي
ومش زعلانة عشان ضيعت وقتي معاك
هقول فترة ومش محسوبة في حياتي

تصاعد لحني بصوت سميرة، الأغنية تليق أكثر أو اللحن أكثر يليق بشيرين، لكن مع توزيع اخر، التصاعد يستمر لجملة واحدة فقط وينتهي لصالح اللازمة:

"محدش فينا متعلمش م الماضي
ويمكن خير عشان مندمش وانا وياك"

تكرار للازمة:


"ولو شوفتك انا هسلم عليك عادي
ماهو اللي يحب لا بيكره ولا يعادي
ومش زعلانة عشان ضيعت وقتي معاك
هقول فترة ومش محسوبة في حياتي"

.صولو جيتار وبركشنز مكرر معاد، لاجديد فيه:


"حكايتي معاك أكيد مش زي أولها
بنضحك بس على روحنا قصاد الناس
ومنكرش اني كان نفسي اكملها
لكن هرجع واقول اهي تجربة وخلاص"


عودة للازمة مرة أخري:
ولو شوفتك انا هسلم عليك عادي
ماهو اللي يحب لا بيكره ولا يعادي
ومش زعلانة عشان ضيعت وقتي معاك
هقول فترة ومش محسوبة في حياتي"

تكرارا للتصاعد الزاعق اللطيف:

"محدش فينا متعلمش م الماضي
ويمكن خير عشان مندمش وانا وياك"

انتهاءا الأغنية تستحق 3\10.




9- جرالك ايه.
كلمات أشرف أمين - ألحان وتوزيع محمد عرام.

عالم الترانس عاد لينتقم بعد الأغنية المكررة السابقة، اسمين جديدين في عالم الأغنية، 
التوزيع أتي مشابها لتوزيع Vida la vida لفريق كولد بلاي، التوزيع المحلق في السماء، أو توزيع ترانس لديفيد جيتا، الله أعلم ثقافني مع الترانسات ضعيفة.
أسلوب الغناء عامة، صوت سميرة عالمي، ينطلق بكافة طاقاته في لحن متفرد:


"جرالك ايه وليه ترضى بكده

وليه تهون عليك بالشكل ده"

ثم يدخل صوت سميرة كورس:

"الضحكة راحت واترسم مكانها خوف
وانت اللي كنت تملي أقوى من الظروف"


ثم عودة لصوتها الأصلي مرة أخري:

"الموت أقرب كده من الحياة
وكل واحد مننا بقى في اتجاه
نفسي نشوف الدنيا تاني بلون جديد
هنلاقي آخر حلمنا جاي من بعيد"

تكرار اخر جملة كعادته لابد أن يتكرر كصدي، ماهو جاي من بعيد بقي، صولو الكترو تغلب عليه موسيقي الهاوس، كمنجات عظيمة ذكرتني بمقطوعات The Piano Guys.

عودة للكوبليه الثاني:


"بقينا ليه بعيد عن بعضنا
وكل شئ برئ ضاع مننا
حاسين بغربة حتى واحنا قريبين
عارفين غلطنا ولسه برضه مكملين"

ثم لازمة الأغنية الغريبة:
"الموت أقرب كده من الحياة
وكل واحد مننا بقى في اتجاه
نفسي نشوف الدنيا تاني بلون جديد
هنلاقي آخر حلمنا جاي من بعيد"
جرالك ايه وليه ترضى بكده
وليه تهون عليك بالشكل ده
الضحكة راحت واترسم مكانها خوف
وانت اللي كنت تملي أقوى من الظروف"

صديقتي ايمي، من تويتر، مدتني بالمعلومة الأصلية:التراك الأصلي لديفيد جيتا 

David Guetta - She Wolf (Falling To Pieces) ft. Sia 

وانا اللي كنت بقول علي عمرو مصطفي لا مؤاخذة :D
وكالعادة لا تعليق، ولا تقييم سوي 1\10.


10- أيوة اتغيرت.
كلمات عصام حسني - ألحان شريف اسماعيل - توزيع محمد مصطفي.

من عائلة السلو نعود إليكم بلحن ل"شريف اسماعيل"، وتوزي لمحمد مصطفي، لحن يليق بشيرين في كل حالاته، ظهور للتوزيع الشرقي، للرق، والتواءات في صوت سميرة لا معقولة، اداء أسطوري، أغنية درامية "حراقة" لزوم المفركشين، قريبا ستتصدر اليوتيوب مع مقاطع من مسلسلات تركي فيها فتيات تبكين، ورجال يسقطون بجوار حوائط، وزهور علي الأرض تطأها الأقدام!

القيثارة في أول الأغنية، ذكرتني باستخدامها ف أول أغنية "مبحنلهاش" لمصطفي حجاج، ثم توترات في أوتار الكمان، كسسبنس للتشويق، خلف الفايولينات نري الكونتر باص يفرض سطوته، ثم صمت للجميع لتدخل سميرة:


"ايوة اتغيرت مقدرش اقولك متغيرتش

علشان انا كنت زمان عشقاك
وانت مقدرتش وانت مقدرتش"

لازمة الأغنية الموجعة

"ارجع مرجعش دي ترجعلي انا بقى وظروفي
من امتى عملت حساب زعلي أو همك خوفي
مش كنت زمان لما اسأل مرة عن حاجة
بتقولي انا مالي اتصرفي زي ماهتشوفي"


شريف اسماعيل أجاد في هذا الكوبليه بالتحديد بشكل كبير، خصوصا في جملة "انا بقي وظروفي" كأنها جملة ساخرة من علي لسان الحبيبة المجروحة.

كمنجات حزينة، وبركشنز، وكي بورد متناغمين، ثم الكوبليه الثاني وسط تقسيم رق وشئ في منتهي الروعة:

"عمري ما حسيت ان انا اصلا كنت بهمك
بس لعلمك كل ده أثر وجرحني كتير
ايوة اتمنيت انك فعلا تبقى حاسسني
وتحسسني بغرام اكبر من كده بكتير"

لماذا لا يكثف شريف اسماعيل جهده في التلحين ويدعه من الغناء؟ شريف ليس بالصوت المبهر، ولا بشكل المطرب الجان، لكن كملحن، وكنساج قصة درامية، امتياز كامل!

تكرار مرة أخري للازمة:

"ارجع مرجعش دي ترجعلي انا بقى وظروفي
من امتى عملت حساب زعلي أو همك خوفي
مش كنت زمان لما اسأل مرة عن حاجة
بتقولي انا مالي اتصرفي زي ماهتشوفي"

يكرر المطلع، مغلقا هذه القصة نهائيا!

ايوة اتغيرت مقدرش اقولك متغيرتش"
علشان انا كنت زمان عشقاك
وانت مقدرتش وانت مقدرتش"

بيانو وكمنجات، وبركشنز، محمد مصطفي لا يخرج عن النص مطلقا، يوزع كما اعتاد، لا مساحة للتهريج في عمله، ملحن ممتاز و"صايع" وتوقيعه واضح علي الأغنية.

تستحق 7\10.




11- أوقات كتير.
كلمات بهاء الدين محمد - ألحان محمود العسيلي - توزيع أمير هداية.

أغنية هادئة، لطيفة، ذكرتني في بدايتها ب"تفتكر" لصابر الرباعي، جيتار، الكترك مع سبانيش، وفلوت رقيق، وناي، ايقاع هادئ، وينفتح المجال لسميرة:

"اوقات كتير وانت معايا بفكر فيك
واقعد كده اتأملك فرحانة بيك

وافضل اراقب كل تصرف ولا حركة
وانا مبسوطة وباهتمام ميبانش ليك"

وانت بتقرا وانت بتشرب فنجان شاي
وانت بتاكل وانت رايح وانت جاي
وبتبقى فرصة وانت مركز اوي مع حاجة
بقعد كده اتفرج عليك"

دخول الكورس بصوت سميرة، يصحبها كولة، وناي وكمان، لازمة رائعة:

"ساعتها بسأل نفسي اكتر من سؤال
هو انت مين هو انت واقع ولا خيال
وازاي كده انسان قوي وفاهم قوي
وبتحبني وانا برضو كمان بحبك اوي

وساعات كتير بستغربك نادر اوي
انسان تلاقي فيه الرجولة والجمال
انسان انسان انسان"

الفلوت في منتهي التمكن، اختيار ممتاز من الموزع، ثم تصاعد لحني من عسيلي، نزعة شرقية بامتياز، كلمات في منتهي الرقي من العظيم "بهاء الدين محمد"، لمسة صغيرة لكنها في منتهي العظمة علي عظمة يا بهاء!

"اوقات كتير لما نبقي وسط الناس
بلاقي نفسي فجأه بعيش نفس الاحساس
ببقى عايزة اشوفك بينهم او بعينهم
ليك حضور هيبة احترام عندك احساس

والفرق كبير بينك وبين غيرك
وافوق علي نظره كلها احساس وشعور
انسان مفيش جواك مشاكل او عقد
"واثق في نفسك كلمتك طالعة بهدوء"

كورس مرة أخري، مع تقاسيم لحنيه، لحن أكثر من رائع لمحمود العسيلي، تعامل أكثر من رائع، لحن بعيد عن التجويد والطرقعة المبالغ فيها، لحن يليق بيوم مشمس وفنجان شاي في بلكون.

"ساعتها بسأل نفسي اكتر من سؤال
هو انت مين هو انت واقع ولا خيال
وازاي كده انسان قوي وفاهم قوي
وبتحبني وانا برضو كمان بحبك اوي
وساعات كتير بستغربك نادر اوي
انسان تلاقي فيه الرجولة والجمال
انسان انسان انسان"



تستحق 9\10

12- حب.
كلمات وألحان محمد رحيم - توزيع مينو.

جاز خالص، ساكس فون إلي أبعد الحدود، أغنية بلوز وجاز رائعة، لكن للأسف هي تشبه العديد من أغنيات رحيم مؤخرا، تشبه في ايقاعها "صوت الهدوء" لنوال الزغبي.

يظهر اسم رحيم كشاعر علي استحياء بين الفينة والأخري، خصوصا بعد وفاة والدته السيدة "اكرام العاصي"، كانت تكتب له العديد من الكلمات الجميلة، فقرر أن يعتمد علي نفسه في الفن، يظهر عدم ثقته مؤخرا في الموزعين لتوليه توزيع العديد من أغنياته، لكن لا أعلم كيف أفلتت هذه الأغنية منه، ربما بناءا علي رغبة سميرة الحديدية.

صولو الساكس فون ذكرني أيضا بأغنية "الله معا" لنقولا سعادة نخلة، نفس الدفء والحميمية التي تنبعث تحت جلدك في ليالي الشتاء الباردة.


"عارفة ان انا ضيعت سنين من عمري

ادور بين حكاياتي
بس مكنتش هرضى حب اقل من ده

يدخل في حياتي
حب يرجع كل سنيني حب يغير معتقداتي
يملى عيني يحتويني يشغل وحده كل وقتي
آه بحب احب احب انا فعلا بحب
وعايشة بجد حب مستحيل
حتى في غنايا بيكون معايا
حب يصالحني على الوجود والحياة
حب يرجع كل سنيني حب يغير معتقداتي
يملى عيني يحتويني يشغل وحده كل وقتي"



تحليل اللحن لن يفيدنا كثيرا، اللحن مزيج ما بين الريزم اند بلوز والجاز، وتقسيمات من صوت سميرة في اللحن، تم دمجها وانسجمت بشكل كبير، الموزع موفق بشكل كبير، الأغنية جيدة ومتقنة الصنع وهادئة، وتجديد عن السائد في ألبوم سميرة.

تستحق 6\10.

الألبوم ككل بحساب متوسطات الأغنيات: يستحق 6\10 جيد الصنع، اضافة لمشوار سميرة وأغنياته أغلبها سيعيش طويلا.


إلي هنا انتهي الألبوم، يتبقي تراكين طرحتهما سميرة قبل الألبوم، لم تضمهما لنسخة السي دي، ربما لأنهما مجرد Adaption لألحان أمريكية.

13- ياعم عيش
كلمات أشرف أمين.
ويمكنك أن تسمعها من هنا:




14- يوم من عمرنا.
كلمات أشرف أمين .
انا لا أري مبررا لكتابة اسم ملحن علي الأغنية كما تشير العديد من المواقع، أغنية "يوم من عمرنا" هي مجرد Adaption لأغنية قديمة مشهورة لويتني هيوستن اسمها فندق كسر القلب Heart Break Hotel.
الأغنية الأصلية:



أغلب الظن أن سميرة اشترت حقوق استغلال اللحن، أدتها بشكل ممتاز يليق بتاريخها، الأصل عظيم والنسخة عظيمة.

اسمع نسخة سميرة من هنا:


1 و الناس شايفة ايه؟:

Zizo يقول...

مساء الفل
اول شئ المفروض ياخدوك في مجلة billboard عشلن تقيمك للاغاني تحفةةةةةة
الشئ ال2 ان غنية جرالك ايه مش متشابه بغنية ديفيد ، هيا نفسها طبق الاصل بس الفرق في للكلمات ....
������

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam