مفتونة....

وهبتك حتة من قلبي...
سكنت ف ضلعك الاعوج...
ومن تحت الايدين دية...
لا عاوزة أقوم..ولا أخرج...
انا المفتونة ف سكونك..
وانا المجنونة ف غيابك..
اتاري الصدفة جامعاني..
رمت قلبي علي بابك...
يا سيد روحي...وسيد نفسي...
قالولي البعد بينسي...
وكله كلام....
أنا الأيام...
تمر عليا ف بعادك...
سنين قدام....
كفاية الدمعة ف حضورك...
تخاف وتروح...
كفاية البسمة ف وجودك...
ترد الروح....
بحبك حتة من ذاتي...
بحبك حبي لإخواتي...
فداك ايامي، وساعاتي...
عشان تعمل بقي حسابك....
انا المفتونة ف سكونك..
وانا المجنونة ف غيابك..
شونج
18/10/2015

تعليقات

المشاركات الشائعة