في السف علي "زاب"....

السلامو عليكو...
بما ان الكلام اليومين دول عن الحاج "زاب ثروت" اللي متفهمش ايه هو الزاب ديه ده بالظبط، واخر معلومة عنه ان زاب دي كانت موقعة اسمها "موقعة الزاب الاكبر" كانت بين الفرس والهكسوس أو المغول والرومان حاجة كدة، متفهمش هو مين ابن الجزمة اللي اداله اللقب ده، ولا هو خياله مريض كفاية انه طلق علي نفسه لقب زي ده.."زاب".

صورني وانا عميق فشخ

من كتاب الأخ ال(زاب)، "ومكانش فارق معاها زاب ولا حاجة" يا استاذ لمبي لمب نفسك شوية، حضرتك رابر علي عيننا وراسنا، عدد جمهورك ومعجبيك ميكملوش ميت انسان علي بعض، نصهم لسه مطلعش بطاقة، والنص التاني هيفتكرك بإعلان زبادو، فياريت متفتكرش نفسك "مارشال مازرز" أو ما يعرف شعبويا ب"ايمينم".


كفاية عليك الفقرتين دول، حسرة عليا وعلي شبابي، ضيعت زهرة شبابي بقرا وأكتب، وكان أمنية حياتي أطبع كتاب أو ديوان شعر قبل ما أموت، لكن للأسف، زهرة شبابي فلت، ومحمد هنيدي بقي يعمل فيلم كل سنتين، ومحمد سعد لسه بينحت اللمبي، وانا لسه مطلعتش كتاب، لظروف اقتصادية بقي، لظروف كسل، لعدم موهبة مني، الله أعلم، بس الأكادة اني بجد اتحسرت بس فاكس....



بسمع "رق الحبيب" بتاعة أم كلثوم، رق الحبيب دي عمري ما وصلت لآخرها لأني دائما وأبدا ما أفقد الوعي بعد الدقيقة 21 لطولها الشديد وقلة صبري، وهدوء اللحن المشوب ببعض الحذر المحلي بنوتيلا وكراميل وسكمد ملك.

عمر طاهر اللي كنت وانا ف الجامعة باحسه كاتب خفيف بقي تقيل جنب كل الواغش اللي ماليين السوق، هل ياتري الوغش دول هيتحولو يبقو كتاب تقال جنب الركش بتاع السنة الجاية؟ واللي بعدها؟ واللي بعدها؟

الشباب بيتعامل مع الكتاب الجدد ومنهم الأخ الزاب، وكل من يمتلك تلات تلاف جنيه مش عايزهم وحطهم ف طباعة كتاب تماما كما تعامل "السيد أحمد عبد الجواد" مع الظهور الأول ل"زنوبة" في عوامة جليلة العالمة، ريّل عليها، أيوة هي الكلمة دي، كل بنت ربنا كارمها بصاحب ولا صديق وبيحطو ف النص صور مصطفي حسني ويتنفسو جنبها بصوت عالي، كل شاب وكل فتاء، كلهم السيد أحمد عبد الجواد.



انا من موقعي بإعلن تضامني الكامل مع "كمال أحمد عبد الجواد" مع تقبلي الكامل لميول "رضوان ياسين عبد الجواد"، وأسفي الشديد لحظ "نعيمة" ابنة عائشة...

سامحني يارب اني جبت سيرة نجيب محفوظ وال"زاب" في بوست واحد، ومن مكاني هنا حابة أوجه كلمة أخيرة للبشمهندس الزاب ولو انه لازم ياخد البكالريوس عشان يستحق اللقب ههع...

PS: ايه زاب دي؟ انتا خول يا بشمهندس؟


:D

تعليقات

المشاركات الشائعة