الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

10 مارس 2013

شئ مقرف....

حاجة تطرش....شئ يجيب غثيان..الحياة كلها زبالة...
النهاردة كنت ف المترو وراكنة علي عمود جوة المترو وماسكة كتاب من أجل ولدي بتاع محمد عبد الحليم عبد الله وبقراه، زوغت من زمايلي اللي قعدو نص ساعة مستنيين باص الشغل...سبتهم ومشيت

نزلت بمنتهي الخفة من علي سلم الfire Exit عديت م الGates وعديت الشارع ووقفت أول ميكروباص قابلني...

نزلت عند العرب، ركبت ميكروباص تاني للمترو وحسيت بحاجة غريبة....

حسيت اني نفسي اكون ف الحياة خفيف خفيف كدة...اموت صغيرة..لا اعجز..ولا اتعب...ولا يبقي فيه حد متعلق ف رقبتي...ولا حد انا متعلقة ف رقبته....

اعجاز ان الواحد يعرف يكمل الحياة لوحده كدة....وكل ما الواحد يكلم حد يقولك اصل الجواز شر لا بد منه وسنة الحياة والكلام ابن المرة الوسخة اللي لا يودي ولا يجيب ده...

انا ما عشتش اصلا...معرفش يعني ايه نظرة حب ف عيون واحد، معرفش يعني ايه اي حاجة ف اي حمادة..ف اي حلة....

واحدة ف الشغل مسحت بتلاتة ميتين أهلي الأرض لمدة أسبوع...استلمتني عشان زلة لسان قلت ف قعدة بنات اني عاوزة اعمل دايت، مسكتهالي زلة بنت الوسخة....كلما تشوفني ماسكة شيبسي، بطاطس، عصير،شاي،بسكوت،كيس كتشاب، تستلمني تقولي انتي مش هتعملي دايت؟ لدرجة اني بقيت أهرب منها بصينية الأكل وكأن بنت الوسخة ماسكة عليا شيكات....انا حاسة بضعف عجيب...كأني كوباية ازاز....خربانة من جوة...كله بايظ....كله بايظ....استغفر الله العظيم يارب....

3 و الناس شايفة ايه؟:

غير معرف يقول...

الاستاذة ريم - كم اعجبت بهذة المدونه الرائعه التى تخصك - حقا عالمك ممتع - ارجو التواصل معنا وكتابه مدوناتك على صفحتنا على فيس بوك - صفحتنا - بإسم - الجريدة الاجتماعيه

تقبلى تحياتى - واحد رخم كده زى حلاتك - نبيل بدر
01008211460 اتمنى التواصل وتقديم كل كتاباتك على صفحتنا .. وشكرا

Primadonna Girl يقول...

انا تقريباً زيك بالزبط..ماعيشتش..
ساعات بحس اني عايشة تقضية واجب مش اكتر

Mohammed atteya يقول...

عيوبنا بوابة رزق لاستخفاف دمهم .. اقلبي الايه عليهم بقا !!
"العيوب الشخصية في البلوج بتاعي :)"

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam