الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

09 فبراير 2013

يجوز...


يجوز يا ابن عمي
نحب ف سكوتنا...
ونبعد...نسافر...
ويخنقنا موتنا....
وأشوفك ف ليلة...
يا بدر التمامي...
وأسمع...أنينك..
مابين الأسامي...
وتعشق..
وانا أعشق...
وتقسملي همي...
يجوز يا ابن عمي...

يجوز يا ابن عمي...
أحبك بصورة...
وأحبك بجهلي..
ده حبك ضرورة...
وأشيلك ف جيبي..
مفاتيح سعادتي..
تتوه السلالم...
ومعرفش أخطي...
وصمتك ينادي...
وتيجي الساعة دي...
وتحضني أمي..
وأشم ف ريحتها...
شذاك يا ابن عمي...

ريم - 9 فبراير 

0 و الناس شايفة ايه؟:

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam