الجبس!!..


المدة بجد
اللي انا حسيت
اني باحبك
كانت شهرين
قضيتهم ف البيت
تعبانة
و بقيت أشتكي
لحيطان الاوضة هواك..
بالعكس
و وصلت لدرجة...
إني خلاص...
باشتكي للجبس...
من ساعة ما وقعت
اتكسرت رجلي...
أيوة ما شفتكش....
و ما جيتش تزورني
عشان ميصحش...
و ما أقولكش....
البيت دوشة..
 و زحمة و ربكة
و صالون البيت
مليان بضيوف
مالهم آخر...
ماليين الكنبة
 و أخدو الكرسي
و لما بيقعدو...
بتّاخر...
بس انت بجد
و م الآخر..
كنت معايا..
و العين ف العين
و سمعت انا صوتك
سرقة ف مرة...
و ورا ماما...
رديت و انا مبسوطة..
و باضحك...
و لقيتك انت كمان تضحك
و رجعت تقوللي
بتضحكي ليه؟؟
رديت ببساطة..
انا معارفش
مبسوطة عشان
واخدة أجازة
و الحق انا كنت
كمان زعلانة
عشان هابعد
شهرين عنك
و أهرب ف الحلم
إليك .... منك
و أحب و أدوب
و أجري...أضمك
و تروح الاحلام
ف دقيقتين
و بلاد البعد تفرقنا
نبعد عن بعض
ف غمضة عين
و انا لسه باحبك
بافتكرك...
من غير ما تحس.
و الأقيك أقربلي
من اسمك
اللي كتبته...
انا فوق الجبس

14-10-2010

تعليقات

  1. هههههههههههههههه
    بجد حلو اوى ودمه خفيف اصلا :)

    ردحذف
  2. @Loza شكرااااااا..أشكرك بشدة!!

    ريم

    ردحذف
  3. يا سلام

    ابداع والله

    منتهى البساطه

    منتهى السلاسه

    منتهى الروعه

    أبدعت :)

    ردحذف
  4. ههههههههه لذيذه اوى

    ردحذف
  5. بتفكرنى بالحاجات اللى الواحد وهوا صغير بيعملها بس حلوة :D

    ردحذف
  6. ههههههههههههههههههههههه
    ياختى يا خراشي

    دمك سكر يا ريم في الحاجات دى

    ابدعى يابنتى واستمرى :)

    ردحذف
  7. لزيزه جدا وطفوليه كده وبريئه والله روعة يا ريمو يا قمر يا احلى من القمر

    ردحذف
  8. @واحد من الناس: أشكرك علي كلامك الجميل..

    @خالد ناجي: :)

    @saga7_karmooz : الواحد كتبها و هو في حالة عودة للمراهقة :))

    @Rona : :$:$:$

    @mena : انتي اللي قمر و عسل :)

    ردحذف
  9. حاوة اوى بجد :)

    ودمها خفيف و مليانة شقاوة كدة

    و مش حاسس ان فيه كلمة محشورة او زيادة

    عجبتنى اوى :)

    ردحذف
  10. الله ياريم عليكي جميله قوى

    ردحذف
  11. ريم حلوه بجد ريحها و روحها خفيف من الحجات الى نسينا نعملها ازاى و نعيشها ازاى
    أستمرى..استمرى ::))

    ردحذف
  12. جامده ديناصووووووووووووووووووووووووووور

    ردحذف

إرسال تعليق

تعليقك يسعدني..يا أفندم!

المشاركات الشائعة من هذه المدونة

عربية أتاري...

كنوز مدفونة: صياد الطيور - جورج وسوف "الجزء التاني"

نادية الجندي....سور الصين العظيم..!