الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

12 نوفمبر 2011

رد سجون...من أرشيفي القديم


نهار أمك

مهوش فايت

يا حلم في قلب

رد سجون

يا حلم واخدله تأبيدة

و سجنه بديع

ورق كرتون

نهار أمك

لا هيعدي

و لا يهدي

في أي كمين

لا ينفع لما هتعيط

و تعمل فيها ميت مسكين

يشدك عسكري بنجمة

يسيبلك

فوق قفاك

بصمة

و تخرج تهتف

أهي قسمة

تلف تدور كما المجنون

يقولو الناس

بلا احساس

ده عاش مجنون

و مات ملعون

و تخلص

.....

بس كدة و خلاص

و تفتح عين

و تقفل عين

تنط ف جبة المأذون

و تأذن للأمل يهرب

فتسكن أي بيت مسكون

تعيش مطرود من الجنة

سجين سجنك ورق كرتون

تلاحقك لعنة طول عمرك

تقول يا قرد

يا ميمون

عشان زعّقت وسط الكون

و قلبك قلب

رد سجون



 خمستاشر مايو ألفين و تسعة


16 و الناس شايفة ايه؟:

Miss LoZa يقول...

تحفة :)

ريم عصام يقول...

شكرا يا لوزة :)

Moahmed abdelmeguid يقول...

وتأذن للامل يهرب
وتسكن اى بيت مسكون

صورة تحفة :)

Radwa Ashraf يقول...

جميلة جميلة و معبرة جدا !!
تسلم إيدك :)

ريم عصام يقول...

@Mohamed

Thnq...nice to see you around here :)

ريم عصام يقول...

@Radwa

شكرا..يا أفندم لوجودك معانا ف البلوج :)

Hadeer Ghattas يقول...

مميزة كلماتك يا ريم..

نقلت لنا صورة حية عما كان فى ذاك الوقت..

أبدعت..

ريم عصام يقول...

@Hadeer

عندك حق...احنا كنا ف دولة بوليسية...و ان شاء الله الظروف الراهنة إلي زوال...

rona ali يقول...

هههههههههههههههه
جميله اوى يا ريمو :)

غير معرف يقول...

@rona
ميرسي يا رونا و انا ف انتظار جديدك دائما :)

ريم

أع ـقل مـ ج ـنـونــة يقول...

تحففففففففففففففففففففففففففففففففففففففففة موووووووووووووووووووووت

خالد ناجى يقول...

هههههههههههه جميله

:)

mena يقول...

حلوة اوى اوى اوى والله يا ريم ودمها خفيف لزيزة كده وتتحب

بجد عجبتنى جدا تحياتى ليكى ومستنيه الجديده

Mr.a7mZ يقول...

جامد جدا .. الي الامام .. الي الامام

Mohamed Amer يقول...

كلام جامد اخر حاجه

nona elsha3nona يقول...

حلوة قوى يا ريم

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam