Single!!!!

قابلتو ف ميت مظاهرة..

وقعت...مسك ايديا...

سندني ف عز ضعفه...

فديتو بنور عينيا...

همسلي بدون ما ينطق..

مش محتاجين كلام...

و جمعتنا البلد دي..

بالود..و الاحترام...

و جت يوم فرقتنا...

محاكمة..عسكرية...

و كله عشان بلادنا..

يامصر...يا بهية...

و فاتني و فات دموعي..

و فات..أهل الوسية...

و عذبوه..و مات!!!

و قالو..."مش ضحية"!!

شهيد البانجو بردو؟؟..

يادي الكدبة الغبية...

لبست الدبلة تاني...

هنا ف ايدي الشمال...

و صوتي أكيد هيوصل...

و تتهد الجبال...

هاكون زي الرجال..

عشان انا مش ولية...

هاعيش العمر Single

يا كل الانسانية..

عشان حبيبي مات...

هاتجوز القضية!!!!

28 أكتوبر 2011