الداخل مفقود...

علي مسئوليتك الشخصية..الداخل مفقود و الخارج مولود......
و انتا حر بقي...و كل عام و أنتم بخير......
سلام....

03 يونيو 2011

رعشة يونيو...



قفلو علينا ف دور الطاولة...
 و قرصو كمان ف الزهر...
و قالولنا التموين ده هيخلص...
ف مدة توازي الشهر...
و سابونا نعض ف بعضينا
لما قالولنا الرز هيغلي...
و لقينا خناقة ف بنزينة..
و اتارينا فعلا ما علينا...
و ساعتها حسيت احساس
عمري ما حسيت بيه من فترة
يمكن اخر مرة خطفني
قبل شهور..م الثورة..
لما حرامي مقاسمك بيتك...
و يولع ف الصالة...
و انتا بتجري تطفي الدنيا
و هو بيسرق م البلكونة...
و ياقوطة يا مجنونة..
الكيلو بخمسة جنيه...وزيادة...
شوفي هتروحي الجامعة بكام...
خفي القهوة السادة...
خسي عشان يلقاكي عريس..
و اتشعبطي...
نطي ف اوتوبيس....
جه الاحساس...
و زغدني ف كتفي...
و نورلي الكشاف...
ليه حسيت بالرعشة ف يونيو...
و فجأة بدأت أخاف؟؟؟

3-6-2011

2 و الناس شايفة ايه؟:

وجع البنفسج يقول...

حلوة .. استمتعت بقرائتها .. وسعيدة بعثوري على مدونتك وان شاء الله من المتابعين ..

دمت بخير وتقبلي خالص تحيتي وتقديري ..

ريم عصام يقول...

@وجع البنفسج..
سعيدة بتعليقك...و أتمني ان تنول مدونتي اعجاب الجميع..
و أعتذر عن عدم اكتمال التصميم لأني بامتحن... :D:D:D

إرسال تعليق

تعليقك يسعدني..يا أفندم!

 
Reem Essam Cairo , Egypt | copyrighted2011 - Reem Essam