متلبسة بالشعر...

انا فجأة باكتب شعر...
ألاقيني...باتدبس...
و كأنها جريمة..
و الشعر متلبس...
و أكتب أخاطب وطن..
مع إني باخاطبني...
بارسم ملامح زمن...
مش عاجبو..
و عاجبني...
و اقضي السنين مؤمنة...
بالصبر..و كفاية...
و أكفر ف أول سنة...
و أخد علي قفايا...
باحبي ف عالم وقح...
مفيهوش مكان للشعر...
و لا مكان للهوي...
مليان بذور من شعر...
و أسحف علي أشواك..
و أتهجي ف كلامي...
و حروف كتير من نور...
ماتت ف أيامي...
انا كنت طفلة زمان...
و أنا لسه أهوه...طفلة...
باتحلي ببرائتي...
و الدنيا مش سهلة...
متلبسة بالشعر..
لأنو كجريمة
عاقب عليها القانون...
و بتمنعه الدولة...
و انو مجرد كلام...
و لغو فاضي...و حديت...
و جم كمان يشتمو..
يا تيت يا بنت التيت...
متلبسة بالشعر..
ملفوفة بملايته...
شدوني بيه ع البوكس..
و حكيت انا حكايتو...
من يوم ما نبهني..
للجوهر الفاتن..
و لون سما زرقا...
و لسحرنا الساكن...
انا و انتا يا شعري..
عشان الهموم..توأم....
و كتبنا بايدينا..
وزيادة..راح نبصم...
و سمعنا ف أغاني...
و سرحنا ف الملكوت...
أي إننا..فاضيين...
انا و انتا خرج بيوت...
انا عمري ما هسيبك..
و ما بينا خيط مربوط...
و شعارنا ف المرحلة...
هنعيش سوا
و نموت!!!!

"القصيدة دي كتبت نفسها...انا مكتبتش حاجة و النعمة!!!"
ريم
22 مايو2011

تعليقات

  1. اووووووووووووووووووووووووووووو لم اتوقع انه يطلع منك كل ده

    ردحذف
  2. تحفة ياريم كعادتك والله .. انتي لازم تشوفي سكة الشعر دي على فكرة .. سيبك من مجال دراستك خليه على جنب وحاولي تاخدي مكان في الشعر

    ردحذف
  3. @love4_mo7a

    ممكن أعرف مين؟؟انتي سماح؟

    ردحذف
  4. @مخبر قمل دولة...
    ايه التشجيع علي الفساد ده يا أخي.؟؟

    ردحذف
  5. جميلة يا ريم بس ربنا يصلح حالك ويهديكى للمزاكرة يارب

    ردحذف

إرسال تعليق

تعليقك يسعدني..يا أفندم!

المشاركات الشائعة