مفيش داعي....!!!!!

مفيش داعي...

كفاية عليا..أوجاعي

أفتّح ف الدفاتر دي..

و أحرك ف الجبال...تهدي....

و أتخانق...

و أزعل ناس...
 
و أخدلك حقي...بدراعي....

مفيش داعي..

عشان خاطري..

كفاية فات...معاد قطري...

و آديني ف ترسو متعلق..

و باتخانق..

و باتخلق...

و باتعصب علي نفسي...

و يوصللي

بريد يأسي....

و لو داني لايديا الموت...

هاموت...

و أقولها معلشي...

هاصدر..للعذاب وشي...

و أسامح لو تصديني...

و عن حقك

ترديني...

و تاخديني شهيد حقي...

مفيش داعي....

أقولك...

و لا ما أقولهاش...

"بحبك..."

طب ما تسمعيهاش....

و لو حبيتي..

حبيني...

دموع عينك..

هترويني...

و سامحي الحب...

و انسيني...

و لما هاسيبك...

أنساكي..

ياريت. علي طول

تجاوبيني...

تقولي مين بدل قلبي..

علي حرف الهوي...

جابك...

و مين بات الليالي طوال...

و دوب حبه ف عتابك....

و ايه حد الهوي حدي؟؟

و مين حد الغرام...

حدك...

و مين اترجي ف بعادي...

و مين رحتيله..

بيصدك....

و مين طالع علي دراعي..

عشان ينعس علي خدك....

و ليه باكتب انا شعري...

و قلبي بعيد...

و مش حدك؟؟...

قوليلي و بوحي جوايا...

مسير الحب هيردك...

و سامحيني...

يا تمحيني....

و تنضمي لأوجاعي...

عشان أقدر أعيش بعدك...

أعيش؟؟؟

و لا مفيش داعي؟؟؟

23-فبراير 2011-02-24

تعليقات

  1. 7elwa awIIIIII :) evaaaaa :

    ردحذف
  2. akeed mafesh da3y .. ra2e3a w ma fesh arwa3 mn keda
    Rab el 2osra :)

    ردحذف
  3. مفيش داعى؟

    انا اعترض

    ثورة بقى)))

    ردحذف
  4. @حلم بيعافر...
    اتكتبت قبل الثورة يا عم متزقش...
    =))

    ردحذف

إرسال تعليق

تعليقك يسعدني..يا أفندم!

المشاركات الشائعة